СТИВЕН СИГАЛ БЭЛГИЙН ДАРАМТ ҮЗҮҮЛСЭН ХЭРЭГТ ХОЛБОГДОВ

2018-1-16

Холливудын жүжигчин Стивен Сигалыг бэлгийн дарамт учруулсан хэргээр шалгаж эхэлсэн тухай АНУ-ын Калифорни мужийн Лос-Анжелес хотын цагдаагийн газар мэдэгдсэн байна. 2005 онд болсон хэрэгт холбогдуулан мөрдөн байцаалт эхлүүлжээ.

Цагдаагийн газрын хэвлэлийн төлөөлөгч хэргийн талаар дэлгэрэнгүй мэдээлэл өгөөгүй боловч Женни МакКарти, Портиа ди Росси, Рэй Даун Чун, Рачел Грант гээд Холливудын хэд хэдэн эмэгтэй жүжигчин бэлгийн дарамт, хүчирхийлэлд өртсөн гэж мэдэгдсэний дагуу Сигалыг шалгаж эхэлсэн гэнэ.

2005 онд “Under Siege 2” киноны сонгон шалгаруулалтын үеэр Сигал жүжигчин МакКартиг нүцгэлэхийг шаардаж, дараа нь энэ талаар бусдад хэлэхгүй байхыг шаардсан гэж МакКарти мэдэгдсэн юм. Гэхдээ Сигалын хэвлэлийн төлөөлөгч дээрх мэдээллийг няцаажээ.

Түүнчлэн The Wrap гэх энтертайнмент мэдээллийн сайтын мэдээлснээр Лос-Анжелес хотын цагдаагийн газар жүжигчин Режина Саймонсын гомдлын дагуу Стивен Сегалыг шалгаж эхэлсэн гэж мэдээлсэн юм. Режина 1993 онд 18 настай байхад “On Deadly Ground” киноны зураг авалтын үеэр Стивен Сигал хүчирхийлэхийг завдсан гэж мэдүүлжээ.

Үүнээс өмнө өнгөрсөн оны арваннэгдүгээр сард жүжигчин Портиа ди Росси хувийн сонгон шалгаруулалтын үеэр Стивен Сигал өмднийхөө цахилгааныг тайлж, бэлгийн дарамт учруулсан гэж мэдэгдсэн юм. Тэрбээр твиттертээ “Тэр намайг доош суулгаад, арьсан өмднийхөө цахилгааныг тайлсан. Би өрөөнөөс гүйж гараад төлөөлөгчөө дуудсан” гэж бичжээ.

Харин жүжигчин Рачел Грант 2002 онд Болгарын нийслэл Софияд болсон киноны дүрийн сонгон шалгаруулалтын үеэр Стивен Сигал бэлгийн дарамт үзүүлсэн гэж саяхан мэдэгдсэн юм. Анх удаа уулзахдаа шууд орон дээр хэвтүүлээд хүчирхийлэхийг завдсан гэж Рачел Грант хэлжээ.

Стивен Сигал өөрөө Рачел Грантын мэдээллийг няцаасан бөгөөд түүний өмгөөлөгч нар ч үүнийг үгүйсгэжээ. Гэхдээ зарим хэргийн талаар ямар нэг тайлбар, мэдээлэл өгөөгүй байна.

Өдгөө 65 настай Стивен Сигал 2016 онд ОХУ-ын иргэншилтэй болсон. Тэрбээр 1980, 1990-ээд оны тулаантай, адал явдалт кинонуудаараа алдартай. Монгол бүсгүйтэй ханилсан гэдгээрээ монголчуудын сайн танил болсон билээ.

АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл (5)

Haramsaltai (62.178.161.6)

Zavaarsan umaa, iim olon huuhen medeelsen geheer iim l bolj taarah n , delkhiin misst orood baisan Bayartsetseg ene hunii kinond toglood bsn bas huch hereglesen baihiig uguisgehgui, mongol ehner n het mongol ene ter huvtsas umsuud, neeh dur bulam bish bolohoor uur huuhen sonirhdog um bailgui de, mongol tulgatand oruulsan n l yostoi buruudjee. Buddin shashin ene ter geed bsn neeree l geegeersen ene ter geed bsn hollywood nairuulagchaas dutahgui novsh baijee, haramsmaar um

2018 оны 01 сарын 19 | Хариулах
L (122.201.24.176)

Ene chini yamar ch renbuchi geluu barag gegeersen Hun geed 100 Erdems orood bsan ingej gegeerdeg um Bna l daa chaavaas hog shaar um Bna

2018 оны 01 сарын 18 | Хариулах
Зочин (202.72.240.5)

авгай нь болсон гээд нэг хүүхэн өөрийгөө их рекламданаа

2018 оны 01 сарын 17 | Хариулах
Зочин (27.123.212.135)

Khamgiin gutamshigtai ene huniig 100 erhem nevtruulegt oroltsuulaad baisan ni emgeneltei yum huniig tanin gej manai mongolchuud mundag uhaan bj dee taniagui bj nevtruulegt oruuldag hen be? gutamshigtai yum Mongolchuudaa l oruulna bizdee ene Mongol ohiduud uvruu bitgii zadgail bid tsuuhuulee genee hadgalj uldeh heregtei shuu

2018 оны 01 сарын 17 | Хариулах
саначихлаа нэг юмыг (103.212.119.100)

яахав дээ одоо хүүгийн эцэг эх болцгоосон. гэхдээ яг иймэрхүү юмыг Монголд ирээд явсных нь дараагаар нэг монгол эмэгтэй ярьж байсан. нүцгэл хана налаад зогс энэ тэр гэсэн гээд. бэлгийн сулралтай юм шиг санагдсан гээд...

2018 оны 01 сарын 16 | Хариулах
Иргэн (103.229.123.227)

Зайлуул нэгэн Монгол бүсгүй нөгөө өвөрлөгч эрээс хөөгдөж ирдэг дуучин Сэрчмаа шиг юм болохнээ дээ.Монгол бүсгүй,эмэгтэйчүүд минь ээ өврөө битгий.их задгайлаач ээ!!?

2018 оны 01 сарын 16 | Хариулах