Чехийн нийслэл Прага хотод Ази болон Европ тивийн боксчдын халз тулаан болсон бөгөөд манайхаас Э.Цэндбаатар шар тивийн багт уригдан тулалдлаа. Түүний оролцсон 60 кг-ын жинд Европ тивийг төлөөлсөн боксчин бол Францын Софиан Омия юм. Тэр "Рио-2016" олимпийн наадам, "Ханбург-2017" ДАШТ-ий мөнгөн медалийн төлөөх тулаанд гавьяат тамирчин Д.Отгондалайг ялснаар бидний хоёр чухал медалийг булааж байв. Франц эр Монголын боксчдын хувьд "хорхойтой шүд" болоод гурав дахь жилтэйгээ золгож байна.
Уг нь Э.Цэндбаатар маань Д.Отгондалай ахынхаа хариуг авах хатуу даалгартай Чехийг зорьсон нь лавтай. Энэ тулаанд Э.Цэндбаатар илэрхий илүү тулалдсан ч шүүгчийн 4:1 гэсэн саналаар нөгөө талд ялалт заасан байна. С.Омия-Э.Цэндбаатар нарын тулааныг үзсэн олон хүн шүүмжлэлтэй хандаж байна.
Б.Жаргал
Сэтгэгдэл (4)