Засгийн газрын өнөөдрийн ээлжит хуралдаанаас гаргасан шийдвэрүүдийн талаар Барилга, Хот Байгуулалтын сайд Х.Баделхан мэдээлэл хийлээ. Тэрбээр "Шинэ цэвэрлэх байгууламжаас гарсан лагийг шатааж замаар эрчим хүч гаргаж аван, цэвэрлэх байгууламжийн нийт хэрэгцээний 50 хувийг хангана. Хэд хэдэн давуу нөхцөл тусгасан гэрээ байгуулсан. Үүнд нийт ажлын 50 хувийг дотоодын компаниар хийлгэхдээ ажиллах хүчийг 50, 50 хувиар гаргахаар болсон. Түүнчлэн дотоодод үйлдвэрлэх боломжтой тоног төхөөрөмжийг үйлдвэрлэж нийлүүлнэ. Энэ нь нийт шаардагдах тонг төхөөрөмжийн 35 хүртэл хувь байж болно” гэлээ.
Албаны хүмүүсийн мэдэгдэж буйгаар барилгын ажил гурван жилийн хугацаанд дуусах юм байна. Барилгын ажил дууссаны дараа эхний жилд зүгшрүүлж, дараагийн зургаан сард манай талын мэргэжилтнүүдийг мэргэшүүлж байж бүрэн хүлээлгэж өгөх юм байна. Нэн тэргүүнд тулгамдаж буй асуудал бол шинэ цэвэрлэх байгууламж ашиглалтад ортол үнэрийг хэрхэн дарах вэ гэдэг асуудал. Ямартай ч холбогдох байгууллагаас тэр бол үнэр дарах ажлыг хийх бөгөөд энэ хүрээнд картан дахь шинэ лагийн үнэрийг дарахын тулд лаг өтгөрүүлэх, үнэргүйжүүлэх төхөөрөмжийг суурилуулах аж. Энэ төхөөрөмж наадмын өмнө ашиглалтад орно гэдгийг энэ үеэр мөн мэдээлсэн юм. Барилга, Хот Байгуулалтын сайд Х.Баделхан энэ талаар “Хуучин лагийн үнэрийг саармагжуулахаар сонгон шалгаруулалт зарлахад Монгол, Японы хоёр компани шалгарсан. Одоогоор эдгээр компаниуд лагийг боловсруулж, бордоо хийж байна. 2019 ондоо багтаад лагийн өмхий үнэрийг бүрэн дарна” гэлээ.
Г.Нацаг
Сэтгэгдэл (3)