Манай улс ШХАБ-д элсэх эсэх асуудлаар улстөрчид болоод эдийн засагчид өөр өөр байр суурь илэрхийлж буй. Тэдний зарим үндэсни аюулгүй байдалд сөргөөр нөлөөлнө гэж буй бол нөгөө талаасаа эдийн засгийн өсөлт, гадаад бодлогод сайнаар нөлөөлнө гэж харж байгаагаа илэрхийлсээр байна.  Үүнтэй холбогдуулан ШХАБ-д элсэх эсэх нь хэр оновчтой зүйл бэ гэдэгт эрдэмтэн, судлаачид болоод УИХ-ын гишүүдийн байр суурийг цувралаар хүргэж байна.

УИХ-ын гишүүн Б.Саранчимэг: Миний хувьд Монгол Улс ШХАБ-д элсэх эсэх асуудалд ажиглагчийн байр суурьтай байсан нь дээр гэж үзэж байна. Үүнээс өөр тоймтой зүйл хэлэх боломж одоогоор алга даа.

УИХ-ын гишүүн О.Баасанхүү: Дипломатч Ц.Гомбосүрэн гуай маш чухал үг хэлсэн.  Юу гэхээр Хойд Солонгос, Монгол хоёр л ОХУ, БНХАУ-тай давхар хиллэдэг. Бусад орон ОХУ юм уу, БНХАУ-ын аль нэгтэй нь хиллэдэг. Тус хоёр улстай зэрэг хиллэдэг хоёр орны нэг Хойд Солонгос ШХАБ-д элсэе гээд гүйж байна уу. Монгол яагаад гүйгээд байна. Хойд Солонгосоос дор байхдаа яадаг юм бэ. Хойд Солонгосын Ерөнхийлөгч, Дональд Трамптай уулзах үеэрээ янз бүрийн тохироо хийчих санаатай үзсэн. Магадгүй бид хичээсэн бол Ким Жөн Ун, Дональд Трамп хоёрын уулзалтыг Монголд зохиог байгуулж болох л байсан. Сүхбаатарын талбай дээр М.Энхболд гэж ярьж орилсоор байгаад л энэ уулзалтыг зохион байгуулалттайгаар нураасан. Ким Жөн Ун 70 цаг воганаар явж байснаас манай улсад айлчилсан бол арай бага цаг хугацаа орно. Дээрээс нь манай улсад өмнө нь Жорж Буш ирж байсан. АСЕМ ч зохион байгуулагдаж байсан гээд бүхий л талаараа бүрэн бололцоотой байсан. Гэтэл “шударга ёсныхон” Сүхбаатарын талбай дээр тэрийж хэвтэж байгаад нураачихлаа.

Монголын төрд Ерөнхий сайд, Ерөнхийлөгчийн засаглалыг мөрөөддөг том булчинтай хоёр хүн бий. Өөрөөр хэлбэл, дэглэмээ солихын тулд хийж байгаа тэдгээр эрхмүүдийн толгойд орсон бодол байхгүй юу.

Р.Хишигжаргал