Хэнтий аймгийн Бор-Өндөр цогцолбор сургуулийн арваннэгдүгээр ангийн сурагч Б.Бат-Эрдэнэ ГССҮТ-д элэг бяцарсан оноштойгоор өчигдөр өглөө хагалгаанд орсон талаар бид өмнө нь мэдээлсэн.
Энэ талаар Цагдаагийн ерөнхий газраас тодруулахад “Энэ хэргийг Хэнтий аймгийн цагдаагийн хэлтэс шалгаж байгаа. Нөхцөл байдлыг тодруулахаар ажиллаж байна. Хүүгийн бэртэл багш зодсоноос болсон уу. Эсвэл гаднын өөр хүчин зүйлээс болсон уу гэдгийг эмчийн дүгнэлтээр тодорхой болно. Хэрвээ хүүхэд хүчирхийлэлд өртөж, эрүүл мэндээрээ хохирсон нь тогтоогдвол хуулийн дагуу арга хэмжээ авна” гэлээ. Гэмтэл авсан хүү энэ сарын 5-нд ГССҮТ-д хэвтэн эмчлүүлж бана. Эмчийн дүгнэлт гаднын нөлөөтэй гэмтэл авсан гэж гарсныг эх сурвалжууд дурьдаж буй.
Уг хэргийг үйлдсэн гэх этгээд нь анги даасан багш нь юм байна. Хохирогч хүүгийн хэлснээр хүү тамхи татаад зогсож байхад нь багш нь хараад уурлаж, элэг рүү нь цохисон гэж хэлсэн байна.
Б.Лхам
Сэтгэгдэл (7)