УИХ дахь АН-ын бүлэг өнөөдөр хуралдлаа. Бүлгийн хурлаар ээлжит бус чуулганаар хэлэлцэх гол асуудлын талаар хэлэлцсэн байна. Энэ талаар УИХ дахь АН-ын бүлгийн дарга Д.Эрдэнэбат “Анхаарал татсан хоёр зүйл бий. Нэгдүгээрт, ээлжит бус чуулганаар Татварын багц хуулийн анхны болон эцсийн хэлэлцүүлгийг хийж батлахаар төвлөсөн. Үүнтэй холбогдуулан ажлын хэсэг дэх манай гишүүд байр сууриа хэрхэн нэгтгэх талаар ярилцлаа. Бүлгийн зүгээс Татварын багц хуулийг ээлжит бус чуулганаар хэлэлцэх нь зөв гэсэн байр суурьтай байна. Мөн энэ хуулийн төслийг хэлэлцэхэд Татварын багц хуульд татварын бааз суурийг нэмэгдүүлэхэд ачааллын хүнд нь хаана байна вэ, татварын бус орлогыг хэрхэн тооцоолсон бэ гэсэн тооцоолол бүрхэг байна. Тиймээс маргааш хуулийн төсөл боловсруулсан ажлын хэсгийнхэнтэй 11.00 цагт уулзаж, тооцоололд санал солилцохоор төлөвлөсөн. Татварын багц хуулийг улс төржүүлэхээс илүү нийгэмд ач холбогдох талаар ярилцах хэрэгтэй байна. Хоёрдугаар асуудал нь Ашигт малтмалын тухай хуулийн шинэчилсэн найруулга маш олон сар гацлаа. Энэ хуулийг хэлэлцүүлэхээс эрх баригчид өөрсдөө бултсан. Хуулийн тодорхойгүй байдал үүссэнээс болж 2019 он гарсаар алт тушаах хэмжээ эрс буурсан” гэлээ. Түүнчлэн “Эдгээр асуудлаас гадна хууль хяналтын байгууллагын дарга нарын томилох тухай асуудал байна. Зэвсэгт хүчний жанжин штабын даргыг томилох тухай Ерөнийлөгчийн санал байна. Энэ асуудалд манай намын зүгээс хуулийн дагуу явах ёстой гэсэн байр суурьтай байгаа” гэлээ.
Харин УИХ-ын гишүүн З.Нарантуяа “Татварын багц хууль шинэчлэгдэх зайлшгүй шаардлага бий. Энэ хууль батлагдснаар хоёр үр дагаврыг сайжруулах боломжтой. Тодруулбал, төсвийн орлогын тогтовортой байдал хангагдсан байх ёстой. Өнөөдөр манай улсын төсвийн орлогын 80 гаруй хувь нь зөвхөн татварын орлогоор бүрддэг. Татварын орлогыг бүрдүүлдэг татвар төлөгч аж ахуй нэгжид дарамт өгөх бус орлогын бааз суурийг өргөтгөж, илүү олон аж ахуй нэгж хамрагдах систем рүү орсноор шударга болно. Энэ өнцгөөс харвал хуулийн төсөлд хэдэн хэдэн сайжруулах санал байна. Татварын багц хууль нь улс орны эдийн засгийн ачааг үүрч яваа аж ахуй нэгжүүддээ дарамт болоохооргүй татварын орчныг бүрдүүлэх ач холбогдолтой. Үндсэн хуульд зааснаар бизнесийн үйл ажиллаагаа эрхлэгчид татвар төлөх ёстой гэсэн зарчимтай. Гэтэл хуулийн төсөлд энэс зарчмыг гажуудуулсан заалт орсон учир хэлэлцүүлгийн явцад сайжруулах шаардлагатай” гэлээ.
Р.Хишигжаргал
Сэтгэгдэл (5)