УИХ дахь АН-ын бүлгээс мэдээлэл хийлээ. Энэ үеэр Бүлгийн дарга Д.Эрдэнэбат “Эрүүдэн шүүсэн асуудлыг ил болгох ёстой. Энэ хэрэгт холбогдуулж олон хүнийг шүүсэн. Заримыг нь хэлмэгдүүлсэн. Яахаараа улс төр болохоор АН руу дайрдаг юм. С.Зоригийн амь насыг хөнөөсөн хэрэг илрээсэй гэсэн зарчмыг АН баримталж ирсэн. Энэ хэргийг цаашид яах юм. Хариулах цаг болсон. Цаг үеийн улс төрийн сенсаац хөөж, АН-ын муулах эрх байхгүй. Тиймээс АН-аас мэдэгдэл гаргаж байна.

Үндсэн хуульд зааснаар шүүгч хараат бус, гагцхүү хуульд захирагдаж ажиллахаар заасан. Шүүн таслах ажиллагаа явуулахад хөндлөнгөөс нөлөөлөхийг хориглодог. АТГ-ын даргын асуудалд УИХ төрийн гадаад, дотоод бүх асуудлыг шийдвэрлэхдээ өөрийн онцгой бүрэн эрхээр шийддэг. Өнөөдөр энэ байгууллагын асуудлыг УИХ шийдэхээс бус хэн нэгний зөвлөмжөөр шийдэхгүй. АН удахгүй Онц Их хурлаа хуралдуулна. Өөрийнхөө хэргийг нуун дарагдуулдаг байдал өнөөдөр байхгүй болсон. Коммунист коммунистоороо, фашист нь фашистаараа, ардчилагчид нь ардчилагчаараа явдаг болсон гэв.

Харин АН-ын Бүлгийн дэд дарга Б.Пүрэвдорж “УИХ 60 тэрбумаас бүрдсэн. Үүнийг Засгийн газар нь хүлээн зөвшөөрсөн. 60 тэрбумын схемийг зохиосон хүмүүс нь энэ байдлаараа ажиллавал Монгол Улс сүйрэх юм байна. ЖДҮ гэхэд бүгдээрээ нэг хэмжээний зээл авсан. ЖДҮ-ээр барьцаалагдсан гишүүд Үндсэн хуулиар баталгаажсан засаглалын зарчмын эсрэг шийдвэр гаргах гэж байна. Яаж ЖДҮ-ээ аргалах гэж байгаа юм бол гэсэн яг ийм байдлаар ил боллоо” гэв.

С.Сүлд