Улсын онцгой комисст өнөөдөр “Да хүрээ трейд” ХХК-аас 30 сая төгрөг, Батсүмбэр сум дахь “Ахмад настны үндэсний төв”-ийн 170 ахмадаас нийт 5,2 сая төгрөг, Баянзүрх дүүргийн 44 дүгээр сургуулийн багш, ажилчид 1,4 сая, 150 ширхэг маскийг гардуулан өглөө.
Мөн Баянхонгор аймгийн Баян-Овоо сумын 2 дугаар багийн газар тариалан эрхэлдэг “Даян дуулим” ХХК-аас дархлаа дэмжих бүтээгдэхүүн 1000 ширхэгийг хандивласан бол “Монгол билиг оюу” сургуулийн 5в ангийн сурагч И.Бямбасүрэн хуримтлалын мөнгөнөөсөө хандивлалаа.
Хандивыг гардуулан өгөхдөө шинэ коронавивируст халдвараас урьдчилан сэргийлэх арга хэмжээг цаг алдалгүй шуурхай арга хэмжээ авч хэрэгжүүлэн ажиллаж байгаа Монгол Улсын Засгийн газар, Улсын Онцгой комисс болон Эрүүл мэндийн яам, Онцгой байдал, Хил хамгаалах, Цагдаагийн нийт алба хаагчдад талархал илэрхийлж, Монголынхоо нийт ард иргэдийг хариуцлагатай байж, мэргэжлийн байгууллагуудаас өгч байгаа зөвлөгөө, мэдээллийг даган биелүүлэхийг уриаллаа гэж Онцгой байдлын ерөнхий газраас мэдээллээ.
Сэтгэгдэл (30)