БАРИМТ 1
Түүнийг Батбаярын Сундуйжав гэдэг.
БАРИМТ 2
Завхан аймгийн Баянхайрхан сумын харьяат бөх.
БАРИМТ 3
2004 оны хоёрдугаар сарын 16-нд төрсөн. 22 настай.
БАРИМТ 4
"Хилчин" спорт хороо, Завхан Даян дэвжээ, Топ Нобел Тур ХХК, Миг Группын бөх.
БАРИМТ 5
Биеийн өндөр 186 см, биеийн жин 115 кг.
БАРИМТ 6
2023 оны Завхан аймгийн баяр наадамд тав давж, Аймгийн начин цол хүртсэн.
БАРИМТ 7
Өмнө нь тэр Сумын цол ой байж үзээгүй учир Сумын заануудын барилдаанд үзүүлсэн амжилт байхгүй.
БАРИМТ 8
Тэрбээр мөн аймгийн цолтны барилдаанд шөвгөрч үзээгүй байсан.
БАРИМТ 9
Улмаар энэ оны тавдугаар сард болсон Баянзүрх хайрханы хишиг барилдаанд тав давжээ. Ингэхдээ тэр нэгийн даваанд Улсын заан Б.Пүрэвсайханыг, хоёрын даваанд Улсын заан Б.Бат-Мөнхийг, гурвын даваанд Улсын начин Б.Бадамсүрэнг, Улсын заан Д.Анарыг, тавын даваанд Улсын начин Б.Сосорбарамыг тус тус давжээ.
БАРИМТ 10
Мөн Бүх цэргийн баяр наадамд дөрөв давж, тавын даваанд Хөвсгөл аймгийн арслан П.Хүрэлбаатарт унасан байна.
БАРИМТ 11
2024 оны Завхан аймгийн баяр наадамд дөрөв давж, тавын даваанд Аймгийн начин Б.Дэмиддоржид унажээ.
БАРИМТ 12
2025 оны Багануур дүүргийн баяр наадамд дөрөв давж, тавын даваанд Аймгийн заан Б.Төгсжаргалд унажээ.
БАРИМТ 13
Энэ онд түүний барилдааны ур чадвар, бяр амжилт огцом өссөн бөгөөд Улсын баяр наадамд шууд долоо давж Улсын заан цолонд хүрсэн нь түүхэн амжилт байлаа.
БАРИМТ 14
Тэрбээр улсын наадмын нэгийн даваанд Аймгийн харцага М.Анхбаяр, хоёрын даваанд Улсын өсөх идэр начин Н.Мустафа, гурвын даваанд Улсын начин Э.Ванданцэрэн, дөрвийн даваанд Улсын аварга О.Хангай, тавын даваанд Улсын заан Б.Серик, зургаагийн даваанд Аймгийн хурц арслан Н.Амгаланбаатар, долоогийн даваанд Улсын арслан Э.Оюунболдыг тус тус хаялаа. Харин наймын даваанд түрүү бөх Улсын арслан Б.Орхонбаярт уналаа.
БАРИМТ 15
Тэр бол АХ-ын жилүүдийн аймгийн начин цолноос Улсын харцага цолны даваа давсан хоёр дахь бөх юм. Түүнээс өмнө Улсын харцага Х.Пүрэвжав энэ амжилтыг үзүүлжээ. Харин шууд улсын заан цолсолн цор ганц бөх болж байна.
