"Бид Уучлахгүй хөдөлгөөн"-өөс Монгол Улсын Ерөнхийлөгч Х.Баттулга, УИХ-ын гишүүн Сү.Батболд, БШУ-ын сайд Л.Энх-Амгалан, УИХ-ын гишүүн Б.Дэлгэрсайхан, Д.Цогтбаатар тэргүүтэй 18 хүнийг шалгуулахаар АТГ-д өгч буйгаа мэдэгдлээ.

Энэ үеэр “Бид уучлахгүй хөдөлгөөн” ТББ-ын тэргүүн Б.Мөнхцэлмэг "Б.Дэлгэрсайхан гишүүн оффшор данс дахь хөрөнгийн хэмжээ нь нэг тэрбум доллар. Өөрөөр хэлбэл 2.9 их наяд төгрөг. Энэ нь Монгол Улсы төсвийн 30 хувь нь оффшор дансанд байршиж байна гэсэн үг. 

Монгол Улсын Ерөнхийлөгч Х.Баттулга оффшортой тэмцэж байна гэх боловч, өөрөө оффшортой байна. Тиймээс Сү.Батболд, Ерөнхийлөгч Х.Баттулга, БШУ-ын сайд Л.Энх-Амгалан, УИХ-ын гишүүн Б.Дэлгэрсайхан, Д.Цогтбаатар нарын 18 хүнийг хариуцлагаа хүлээх ёстой гэж үзэж, АТГ-т шалгуулахаар хандаж байна. Тэд ёс зүйн болон хуулийн хариуцлага хүлээх ёстой. Оффшороо нуун дарагдуулсан бол эрүүгийн хариуцлага хүлээдэггүй. Үүнийг хуульд тусгах хэрэгтэй.

Манай улсад тулгамдсан асуудлын хамгийн гол нь Авилга албан тушаалын буюу төсвийн хулгай байдаг. Төсвөө давсан хулгай байна гэдгийг ч АТГ мэдээлсэн. Хэрэв энэ хулгай байхгүй байсан бол одоогийн тэтгэвэр тэтгэмж хоёр дахин их, эдийн засаг хоёр дахин өндөр байх байлаа. Тиймээс ч энэ бүхнийг засахын тулд хуульд нэмэлт өөрчлөлт оруулахын төлөө бид явах болно" гэлээ. 

Б.Баатар