МУСТА, жүжигчин Ч.Болдыг Алтан гадас одонгоор шагнуулжээ. Түүний хувьд "Боолын гэрээ", "Бодлын хулгайч",  "Богд хаан", "Сүүн замын сахиул" зэрэг олон кинонд гол дүр бүтээсэн нэгэн. 

Алтан гадас одонг энгэртээ гялалзуулсан жүжигчин Ч.Болд "Төрийн дээд одон медалиар шагнуулсандаа баяртай байна. СУИС-ийг 2001 онд төгссөнөөс хойш 20 жил өнгөрчээ. Энэ хугацаанд зааж сургаж, дэмжиж тусалж байсан Жигжидсүрэн, Уртнасан, Ганхүү багш болон хайртай аав, ээж, хань, үр хүүхэд, хамт олон, үзэгч түмэндээ баярлалаа. Энэ бол та бүхний минь дэм тус шүү. Гуравдугаар сарын 20-нд "Богд хаан" уран сайхны киноныхоо төгсгөлийн анги болох "Монголын сүүлчийн хаан" уран бүтээлээрээ үзэгч та бүхэндээ бэлэг барих болно" гэлээ. 

Б.Баатар