Засгийн газрын хуралдаанаас гаргасан шийдвэрийг танилцуулж байна. Энэ үеэр Ерөнхий сайдын ахлах зөвлөх Б.Даваадалай дараах мэдээллийг өглөө. 

Тэрбээр "Төсвийн тухай хуулиар олон нийтийн оролцоог хангах үүрэг төрийн байгууллагуудад оногддог. Өнгөрсөн жилүүдэд энэ оролцоо хангалттай хэмжээнд хэрэгжээгүй гэж үзсэн тул ирэх оны төсөвт илүү бодит, нээлттэй, үр дүнтэй хэлбэрээр хэрэгжүүлэх зорилтыг тавьсан. Ингэхдээ зөвхөн санал авах бус тухайн саналыг хэрхэн тусгасан тухайгаа эргэж тайлагнах хэлбэрийг ч хэрэгжүүлэх юм.

Ерөнхий сайд 2026 оны төсвийн төсөлд олон нийтийн оролцоог дөрвөн үндсэн чиглэлээр хангаж ажиллахыг үүрэг болголоо.  Ингэхдээ иргэдийн оролцоог хоёр үе шаттайгаар хангана. 2026 оны төсвийн төслийг боловсруулахдаа олон нийтийн санал бодлыг хоёр үе шаттайгаар авч, олон нийтийн хэлэлцүүлгийг өргөн цар хүрээтэй зохион байгуулна.

Эхний шатны санал хураалт наймдугаар сарын 1-нээс эхлэх бөгөөд цахим хэлбэрээр авна. Саналыг e-Mongolia, “11-11” гар утасны аппликэйшн, мөн Засгийн газрын цахим хуудсаар дамжуулан хүлээн авна. Шахсан бяслаг гэдэг шиг тэргүүлэх ач холбогдолтой төслийг төсөвт тусгахыг Ерөнхий сайд үүрэг болголоо. 2026 ны төсвийг иргэдийн төсөв болгоорой гэх үүрэг чиглэлийг өглөө" гэв.