Увс аймгийн түүхт 100 жилийн ойн наадмаар Эрчим хүчний сайд Б.Чойжилсүрэн TV9 телевизэд ярилцлага өгөх үеэрээ "Би 2008 оноос хойш тав дахь удаагаа увсчуудыг төлөөлж парламентад сууж байгаа УИХ-ын гишүүн.

Бидний хувьд ойгоо тэмдэглэхийн сацуу, үүнийг далимдуулаад нутгаа сурталчлаад авъя гэдэг зорилго тавьсан. Аялал жуулчлалын салбарт чамлахаар чанга атга гэж, ахиц гарч байгаа. Энэ жилдээ багтаагаад Увс нуур руу 25 км автозамыг тавьж, ашиглалтад оруулна.

Мөн Увс аймгийн төв Улаангом хотыг Ховд аймгийн төвтэй 163 км хатуу хучилттай авто замаар холбоод дуусгана. 100 жилийн ойг амжилттай зохион байгуулахад гар бие оролцсон, сайхан наадаж байгаа бүх хүнд баярлалаа. Ханхөхий, Хархираа, Түргэний уулсаа өндөлзүүлээд, Увс, Хяргас нуураа долгилуулаад дэнж хотойтол дэлгэр сайхан наадаарай. Гол нь ард түмэн маань сайхан наадах ёстой" гэдгийг дурдлаа.