УИХ-ын гишүүн Ж.Баясгалан цаг үеийн асуудлаар мэдээлэл өглөө.
Тэрбээр "Төсөв хэлэлцэж эхэлсэн цагаас эхлээд Хөгжлийн бэрхшээлтэй хүмүүсийнхээ асуудлыг шийдэж өгөөч гэж удаа дараа хүсэлт тавьсан. Бид тодорхой хэмжээнд тохиролцолд хүрч чадлаа. Хөгжлийн бэрхшээлтэй иргэдийн тэтгэмж дотроо хэдхэн төрөл байдаг. Төсвийн ажлын хэсэг дээр хөгжлийн бэрхшээлтэй иргэн, 16 хүртэлх насны хүүхдийн тэтгэмжийг 20 хувь болгож нэмэхээр тооцоолол орууллаа. Нийт 30 орчим тэрбум төгрөгийн асуудал яригдаж байгаа. Би олон удаа хэлсэн. Зам уйлдаггүй, барилга өвддөггүй гэж. Зам барилгатай холбоотой төсвийг хасаад, хөгжлийн бэрхшээлтэй иргэдийн тэтгэмжийг нэмэхээр боллоо" гэв.
