Засгийн газрын хуралдаанаас гаргасан шийдвэрийг танилцуулж байна. Энэ үеэр ЗГХЭГ-ын дарга С.Бямбацогт дараах мэдээлийг өглөө.
Тэрбээр "Өнөөдрийн Засгийн газрын хуралдаанаар төрийн болон албаны нууцийн тухай хуульд нэмэлт өөрчлөлт оруулах хуулийн үзэл баримтлалыг хэлэцлээ. Ерөнхий сайд Г.Занданшатарын Засгийн газрын гол баримталж байгаа зарчим бол иргэдэд ил тод, нээлттэй байх. Энэ ч үүднээсээ өнгөрсөн хугцаанд төрийг нууцад авсан олон гэрээг ил болгосон. Ил тод нээлттэй байгаа газар хулгай нүүрлэхгүй. Тиймээс Төрийн болон албаны нууцын тухай хуульд нэмэлт, өөрчлөлт оруулах тухай болон Төрийн нууцын жагсаалт батлах тухай хуулийн төслийг УИХ-д өргөн мэдүүлэхээр боллоо.
Мөн албаны нууц нэртэй 89 байгууллагын 882 нууцыг ил болгоно. Цаашид албаны нууц нэрийн дор булхайгаа нуудаг байдлыг таслан зогсооно. Гахцхүү үндэстний аюулгүй байдалтай холбоотой асуудлуудаас бусад бүх асуудлыг нууцад авахыг хуулиар хориглоно. Тиймээс хуульд төрийн нууцын жагсаалтуудыг тусгаж өгсөн" гэв.
