"3x3 Asia Cup" тэмцээн энэ сарын 1-5-ны өдрүүдэд Сингапур улсад болж байна. Тэмцээний хэсгийн тоглолтууд өндөрлөв. 

Улмаар манай эрэгтэй, эмэгтэй шигшээ багууд хэсгээ тэргүүллээ. Тодруулбал, эрэгтэй шигшээ баг А хэсэг Филлипин, Хятадын Тайванийн шигшээ багуудыг хожиж 100 хувь амжилттайгаар хэсгээсээ нэгээр гарлаа. Тэд өрсөлдөгч багуудаа дутуу гаргав. 

Харин эмэгтэй шигшээ баг В хэсэг Шинэ Зеланд, Малайзын багуудыг буулган авч мөн л хэсгээ тэргүүллээ. Тэд Шинэ Зеландыг 12:10 харьцаатай, Малайзыг 20:6 харьцаатай илүүрхлээ. 

Тэгвэл тэд өнөөдөр хасагдах шатны тоглолтоо хийнэ. Эрэгтэй шигшээ баг Японтой таарсан бол эмэгтэй шигшээ баг Филлипиний шигшээ багтай тоглоно. Ялбал тэд шигшээ дөрөв рүү орох юм. 

Л.Баяр