Амьдралд ганц тохиох хуримын баяраа аварга загаснуудтай аквариум,
тэр ч бүү хэл цогцос хадгалах газар тэмдэглэдэг хосууд байдаг гэвэл та
итгэх үү?
1.
Элли Бартон, Фил Хендикот нар хуримынхаа өдрөө ямар ч ёслолын
хувцасгүй, эхээс төрсөн биеэрээ тэмдэглэхийг хүсчээ. Хосууд хайрын
тангараг өргөж, бөгж солилцохдоо 250 зочны өмнө нүцгэн зогсож байлаа.
Хатагтай Элли цагаан дотоож, хуримын нөмрөгтэй байв. Харин нөхөр Фил нь
хар малгайнаас өөр юу ч өмссөнгүй. Энэхүү өвөрмөц ёслол Австраличуудын
сонирхлыг их татсан юм.
2.
Жеройн ба Сандра Клиппс нар Бельгийн Брюссель хотын 48 метр өндөртэй
хавтан дээр хуримаа тэмдэглэн өнгөрүүлжээ. Энэ өвөрмөц ёслолд 20 зочин
уригджээ. Өндөр тавцан дээр зочдын зоогийг байрлуулан тавьсан юм.
Хуримын ёслолын өртөг 40 мянган доллар болсон бөгөөд хосууд "Зөвшөөрч
байна" гэж хариулчихаад шүхрээр доошоо үсэрсэн байна.
3.
Хятадын Гуанжоу мужийн оршин суугч Ши Цинь 200 метр урт даашинз өмсөж,
Геннисийн амжилт тогтоосон юм. Хосууд амьдралынхаа онцгой өдрийг
Гуандонг хотын зочид буудалд нижгэр тэмдэглэжээ. Үүний дараа Кипр
дизайнерын урласан 1362 метр урт даашинз нь Геннисийн шинэ амжилтыг
тогтоосон байна.
4.
Худалдаа наймааны газар хуримаа хийх сонирхолтой хүн бараг л байхгүй
болов уу? Тэгвэл сүйт бүсгүй Лиза Сатают гутлын дэлгүүрт гэрлэлтээ
батлуулж, гоо үзэсгэлэнгээ гайхуулахыг хүсчээ. Хосуудын хуримын
гэрчүүдээр дэлгүүрийн худалдагчид сонгогдсон гэнэ. Энэ хуримнаас болж
дэлгүүрийн үйл ажиллагаа олон цагаар саатсан байна.
5.
Хятадын иргэн Шиао Ван хуримын баяраа 99,999 сарнайтай тэмдэглэсэн
байна. Хосууд хуримын ёслолд оролцсон 30 автомашиныг бүгдийг нь
сарнайгаар чимэглэжээ. Тэд их сургуульд хамт сурч байхдаа танилцсан
бөгөөд хэзээ ч мартагдахааргүй хурим хийнэ гэж шийдсэн байв. Сүйт бүсгүй
сарнай цэцэгсээ буяны байгууллагад хандивласан юм.
6.
Ирландын иргэн Мишель Томас эмнэлгийн цогцос хадгалах газарт
хуримлажээ. Түүний сүйт залуу Кевин Лавелле хуримын ёслолоо нижгэр
тэмдэглэх гэж гэрээсээ хол ажиллаж байгаад дээрэмчдийн гарт
харамсалтайгаар амиа алдсан байна. Гэвч Мишель, Кевин нарыг үхэл хүртэл
салгаж чадсангүй. Мишель сүйт залуугийнхаа сүүлчийн хүслийг гүйцээхээр
хуримаа тэмдэглэж, Кевинд бөгж зүүлгэж өгөөд сүүлчийн замд нь үджээ.
Хосуудын хуримын ёслолд ойр дотныхон болоод найз нөхөд нь уригджээ.
7.
2010 оны зургадугаар сард Нью-Йоркийн иргэд болох Эприл Пигнатаро,
Майкл Карри нар тун өвөрмөц хурим хийжээ. Тэд аварга загасны аквариум
дотор тангараг өргөж, бөгжөө солилцсон байна. Хосууд хоёулаа шумбагч
учраас загаснуудаас огтхон ч айгаагүй гэнэ.
8.
Оросын хосууд дугуй унах зуураа тангараг өргөсөн юм. Тэд хотоор бүтэн
өдөржингөө дугуйтай зугаалж, хуримаа тэмдэглэсэн байна. Хуримын зочид
бүгд дугуйчид байжээ.
