“ОНЧ МЭРГЭН” продакшны удахгүй нээх Дэлгэцийн бүтээлийн “ЧИМГЭЭ” гэх бүсгүйн дүрд  Боксын спортын ОУХМ,  МУ-ын 4 удаагийн аварга, Ази Тивийн аварга Э.УЯНГА  тоглосон байна. Баттай эх сурвалжаас авсан мэдээллээр энэхүү киноны тамирчин бүсгүй  “Чимгээ”-гийн дүрд олон арван жүжигчин бүсгүйчүүд проб өгсөн ч найруулагчид нь “хөдөлгөөний эвсэл дутмаг байна” гэсэн шалтгаанаар гологджээ.

Ингээд эцэст нь ОУХМ Э.Уянгад санал тавьсанаар энэхүү дүр дэлгэцэнд амилж буй гэнэ.

Эмэгтэйлэг зөөлөн төрхтэй ч эрчүүдийн спортыг сонгон хичээллэж, Монгол улсдаа төдийгүй  Тив Дэлхийд төрийнхөө далбааг өргөж яваа энэ бүсгүй “ОНЧ МЭРГЭН” продакшны шинэхэн кинонд ямар “ДҮР” бүтээсэн бол...

Эрдэнэхүү овогтой УЯНГА

ТОВЧ ТАНИЛЦУУЛГА:

1989.09.27 нд төрсөн. Жинлүүрийн орд.

1995-2005 онд Нийслэлийн ЕБС-н 39-р дүгээр сургуулийг

2005-2010 онд МУБИС-н Биеийн тамирын сургуулийг “Спорт аялал жуулчлалын менежер, багш” мэргэжлээр дүүргэсэн.

СПОРТЫН АМЖИЛТ:

2009 оноос Л.Энхбаатар багшийн удирдлага дор Боксын спортоор хичээллэж эхэлсэн.

2011 онд Индонезийн “Эзэн Хааны Цомын Тэмцээн”-ээс МӨНГӨН медаль

2011 онд Казакын “Олон Улсын Эмэгтэйчүүдийн тэмцээн”-ээс ХҮРЭЛ медаль

2012 онд Монгол улсад зохиогдсон “Ази Тивийн Аварга Шалгаруулах” тэмцээнээс АЛТАН медаль

2012 онд “Дэлхийн аварга шалгаруулах” тэмцээний 5-р байр

2014 онд “Taipei City Cup” тэмцээнээс МӨНГӨН медаль

2009,2013 онд УАШТ-ээс МӨНГӨН медаль

2010,2011,2014,2015 онуудад УАШТ-ний АЛТАН медалыг 4 удаа хүртсэн Монгол Улсын Боксын спортын шилдэг тамирчин юм.