Дэлхий нийтийн сонирхлыг багагүй татдаг “Гиннесийн дэлхийн дээд амжилтууд”-аас түүвэрлэн сонирхол татам “хачирхалтай” амжилтуудыг сонирхуулж байна.
Хамгийн “намхан” машин
“Гиннесийн дэлхийн дээд амжилтууд - 2013” номд бүртгэгдсэн энэ машиныг Японы “Окаяама Санёо” ахлах сургуулийн багш сурагчид хамтран хийсэн бөгөөд “Мирай” буюу “Ирээдүй” хэмээн нэрлэжээ. Энэ машин нь ердөө 45 см өндөр ажээ.
Этибар Элчиев хэмээх эр дэлхийн хамгийн их халбага бие дээрээ тогтоосон хүнээр шалгарчээ. Тэрээр 2011 онд 50 халбага өөрийн бие дээр тогтоож гиннесийн амжилтад бүртгэгдэж байв
Дэндүү “бүлтгэр” нүд
Чикаго хотноо амьдардаг Ким Гүүдман гэх энэ эмэгтэй нүдээ 12 мм бүлтийлгэж чаддаг “хачирхалтай” чадвараар Гиннесийн дэлхийн дээд амжилтын эзэн болжээ. Анхны хэмжилтийг 1998 онд хийхэд 11 мм байсан бол 2007 онд Истанбул хотод дахин хийсэн хэмжилтээр 12 мм ил гаргадаг болжээ.
Словак улсын иргэн Милан Роскофт өөрийн 3 цахилгаан хөрөөгөөр 62 удаа жонглёрдож амжилт тогтоосон байна. Тэрээр 2009 онд 35 удаа жонглёрдсон амжилтаа эвдэж гиннесийн амжилт тогтоожээ.
Хятад улсын зөгий үржүүлдэг эр өөрийн бие дээр 331 мянган зөгий буюу 37 кг зөгийг өөрийн бие дээр тогтоосон нь өмнөх амжилтаа эвджээ
Габриель Гуало өөрийн биен дээр 250 орчим шавжийг байрлуулсан байна. Эдгээр шавжнууд түүний бие дээр 60 секундын турш байжээ.
Суналт сайтай “арьс”
Гэри Төрнер бол Гиннесийн дэлхийн дээд амжилтын ээлжит нэгэн “эзэн” бөгөөд тэрээр генийн маш ховор “Эхлер Дэнлосын эмгэг”-ээр өвчилсөн нэгэн юм. Энэ нь хүний биеийн арьсны бүтцийг эвдэж улмаар сулбайлгаж унжгар болгодог эмгэг юм. 3 / 4 настайгаасаа энэ өвчинд нэрвэгдсэн тэрээр дэлхийг тойрч сонирхолтой циркийн үзүүлбэр үзүүлдэг бөгөөд арьсаа 15.8 см сунгаж энэхүү номд бүртгэгдсэн гэнэ.
Дэлхийн хамгийн “жижигхэн” бух. Хойд Ирланд нутгийн гайхамшиг болсон эл бухыг Арчи гэдэг ба 16 сартай тэрээр 76.2 см өндөр биетэй юм байна.
Харин Египетийн бодибилдинг залуу болох Мустафа Исмаил хамгийн том хоёр толгойт болон гурван толгойт булчинтай гэдгээрээ Гиннесийн номд багтсан байна. Түүний булчин ч үнэхээр гайхалтай том ажээ.
Лондон хотод бага оврын Минни Күүфер машинд нийт 28 эмэгтэй багтаж орсон байна. Энэ төрөлдөө бол үнэхээр дэлхийн дээд амжилт бололтой. Энэ машин ердөө дөрвөн хүний суудалтай.
Сэтгэгдэл (1)