Долоодугаар сарын 28-ны өдөр болох зарим үйл явдлын тоймыг хүргэж байна.

Улаанбаатарт 29 хэм дулаан байна.

НҮБ-ын Боловсрол, шинжлэх ухаан, соёлын байгууллагын (ЮНЕСКО) шинэ тайланд сургуулийн анги танхимд сурагчдын анхаарлыг сарниулахгүй байх, суралцах чадварыг сайжруулах, хүүхдийг цахим хүчирхийллээс хамгаалах зорилгоор сургуулиудад ухаалаг гар утасны хэрэглээг хориглохыг уриалжээ.

2023 оны долдугаар сарын 24-ний өдрийн байдлаар Улаанбаатарт нийт 1363 чингэлэг ачаа, Замын-Үүдэд 234 импортын чингэлэг байна. Нийслэлд буй 1363 чингэлгийн ихэнх хувийг импортын авто машин эзэлж байгаа юм. Ачааг иргэд, аж ахуйн нэгжүүд буулгаж авсны дараа хоосон чингэлгийг БНХАУ-руу өргөн царигаар Эрээн өртөөнд хүлээлгэн өгнө.

Эрүүл мэндийн даатгалын ерөнхий газар нь эрүүл мэндийн даатгалын сангаас санхүүждэг Эрүүл мэндийн байгууллагуудтай тусламж үйлчилгээ худалдан авах гэрээ байгуулж, гэрээний хэрэгжилтэд хяналт тавих, үнэлэх үйл ажиллагааг хэрэгжүүлж ажилладаг.

Монгол Улс, Европын Холбооны хамтын ажиллагааны Хамтарсан хорооны 22 дугаар хуралдаан Брюссель хотноо долдугаар сарын 26-ны өдөр болов.

Монголын Нисгэгчгүй Нисэх Төхөөрөмж Хөгжүүлэлтийн Холбоо, БНСУ-ын KM Drone Consortium, International Sherlock Holmes Detective Agency хамтарч “ KM DRONE CUP 2023 “ анхдугаар тэмцээнийг Налайх дүүргийн “Sky Friends” нисэх буудалд зохион байгуулж өндөрлөлөө.

Хан-Уул дүүргийн 11 дүгээр хороо буюу Зайсангийн KFC-ийн уулзвараас Дүнжингаравын гудамж буюу Богдхан уулын арын зам хүртэлх авто замын хөдөлгөөнийг хязгаарлаж, засварын ажил гүйцэтгэх гэж байна. Тодруулбал, өнөө шөнө буюу долоодугаар сарын 28-ны 00:00 цагаас наймдугаар сарын 15-ны 06:00 цаг хүртэл тус авто замын хөдөлгөөнийг хязгаарлаж, засвар шинэчлэл хийх юм. Зам хаах хугацаанд замын хөдөлгөөнийг дээрх зураглалын дагуу зохион байгуулна.

Тэр хамгийн сүүлд үндэсний бөхөөр өнгөрсөн жил Төв аймгийн наадмын гурвын даваанд сумын заан Б.Отгонбаатарт тахим буулгасан.

Олон улсын контент бүтээгчдийн “Nas Summit-2023” чуулга уузалт ирэх наймдугаар сарын 19-нд манай улсад болох талаар БОАЖЯ-наас мэдээллээ.

Завхан аймгийн 100 жилийн ойн баяр наадам өнөөдөр эхэлж буй. Наадмын бөхийн барилдаанд улсын аварга Г.Эрхэмбаяр, улсын гарди М.Баяржавхлан, Б.Гончигдамба, Ш.Жаргалсайхан, улсын заан М.Лхагвагэрэл, улсын харцага Ш.Уламбаяр, Л.Лха-Очир, Ш.Пүрэвгарьд, М.Дармаабазар тэргүүтэй 256 бөх хүч үзэж байна.

Боловсрол, шинжлэх ухааны сайд Л.Энх-Амгалан БНСУ-ын  Хонам их сургуулийн Ерөнхийлөгч Пак Сан Чол, Монгол Улсаас БНСУ-д суугаа Өргөмжит консул Ким Мён Гүн нарыг өнөөдөр хүлээн авч уулзан хамтын ажиллагааны талаар санал солилцов. 

Баяр наадмын багахан дутуу нь идэр залуу аварга Ч.Санжаадамба юм шиг. Түүнийг нутагтаа барилдах болов уу хэмээн хол ойрын олон хүн чих тавин хүлээсэн нь лавтай.

Нийслэлийн Засаг даргын захирамжаар иргэдийн эрүүл, аюулгүй орчинд амьдрах эрхийг хангах, газар ашиглалтыг сайжруулах хүрээнд зөвшөөрөлгүй барьсан гарааш, хашаа, хайсыг буулгах ажил үргэлжилж буй.

Хуульчийн мэргэжлийн шалгалтын бүртгэл өнөөдрөөс эхэлж байна. Үүнтэй холбогдуулан Монголын Хуульчдын холбоо болон шалгалтыг зохион байгуулах комиссоос мэдээлэл хийлээ.

1973 оны Архангай аймгийн түүхт 50 жилийн ойн наадамд Хотонд сумын харьяат, улсын заан Ч.Гочоосүрэн, 1983 оны 60 жилийн ойд улсын начин Г.Жалаа, 1993 оны 70 жилийн ойд улсын заан Д.Хишигдорж, 2003 оны 80 жилийн ойд дархан аварга Г.Өсөхбаяр, 2013 оны 90 жилийн ойд аварга Ч.Санжаадамба нар түрүүлсэн байна.

Төв аймгийн 100 жилийн ойн баяр наадам өнөөдөр эхэллээ. Японы мэргэжлийн сумогийн 69 дэх их аварга, Монгол Улсын Хөдөлмөрийн баатар М.Даваажаргал зодог тайлснаасаа хойш анх удаа Монгол Улсад ирж, төрсөн нутгийнхаа наадамд оролцож байна.

Мөн энэ барилдаанд Улсын баяр наадмын түрүү бөх М.Бадарч арслан цолтой анхны барилдаанаа хийв.

Архангай аймгийн баяр наадмын бөхийн барилдаанд дархан аварга Г.Өсөхбаяр, улсын арслан Д.Мөнх-Эрдэнэ, Ц.Содномдорж, М.Бадарч, Р.Пүрэвдагва, гарди Д.Рагчаа, харцага Б.Зоригтбаатар, О.Мөнх-Эрдэнэ нарын 256 бөх барилдаж байна.

Газар газрын хурдан буянгуудаас Увс аймгийн Зүүнговь сумын харьяат, улсын алдарт уяач Бадарчийн Норовсамбуугийн гоё хээр түрүүлж, хурсан олныг цэнгүүлэв.