-
2016 оны 12 сарын 08
Дэлхийн 55 орны 600 гаруй тамирчдын дундаас манай улсын бодибилдингийн тамирчид дэлхийд данстай гэдгээ харуулсаар байна. Тайланд улсын Паттаяа хотноо болсон 2016 оны Бодибилдинг, фитнессийн Дэлхийн аварга шалгаруулах тэмцээнд манай улсаас 17 тамирчин өрсөлдсөн бөгөөд 3 алт, 2 мөнгө, 4 хүрэл медаль, финальт байранд шалгарсан амжилтаар эх орондоо ирлээ.
Монгол Улсаас 17 тамирчин өрсөлдсөн бөгөөд үүнд ”Perfect body” клубээс дөрвөн тамирчин оролцож Модель ангилалд тамирчин А.Ичинноров алтан медальхүртэж модель ангилалын Монголын анхны алтан медалийг эх орондоо авчирлаа.
-
2016 оны 12 сарын 08
АНЭУ-ын Дубай хотод гимнастикийн “Дубай кап-2016” олон улсын тэмцээн энэ сарын 11-12-нд болно.
-
2016 оны 12 сарын 08
Монголын боксын холбоо оны шилдэг эрэгтэй, эмэгтэй тамирчидаа тодруулав.
Тэрбээр, шилдэг эрэгтэй тамирчнаар “Рио-2016” олимпийн наадмын хүрэл медальт Д.Отгондалай тодорчээ. Харин ОУХМ Э.Цэндбаатар, Армийн дэлхийн аварга Б.Чинзориг, Оюутны Универсиад наадмын аварга Х.Энх-Амар, Азийн АШТ-ий мөнгө, хүрэл медальт Б.Түвшинбат, Г.Ган-Эрдэнэ, А.Нурлан, Г.Баярхүү, О.Батхүү, Н.Шинэбаяр нар эхний 10-т багтав.
Тэгвэл эмэгтэйчүүдээс Л.Алтанцэцэг тэргүүлж, Т.Болортуул, М.Мягмаржаргал, Н.Баянцэцэг, М.Нандинцэцэг, М.Гүндэгмаа, Э.Эрдэнэтуяа, Н.Оюун-Эрдэнэ, О.Жаргал, У.Шинэцэцэг нар оны шилдэг 10-т оржээ.
-
2016 оны 12 сарын 08
Олон улсын жүдо бөхийн холбооноос энэ сарын 2-ны өдөр жүдочдын шинэчилсэн чансааг гаргасан. Зуны олимпийн наадмын дараа гарч байгаа чансаа учраас багагүй өөрчлөлт орсон юм. Тэгвэл шинэчилсэн чансаа гарсны дараа манай хоёр бөх дэлхийн шилдгүүдийг тэргүүлсэн хэвээр үлдлээ. Тодруулбал, эмэгтэйчүүдийн -48 кг-ийн жинд МУГТ М.Уранцэцэг 2790 оноогоор тэргүүлсэн бол 57 кг-ийн жинд олимпийн наадмын мөнгөн медаль МУГТ Д.Сумъяа 3530 оноогоор тэргүүлсэн байна.
Дэлхийн чансааг тэргүүлсэн бөхчүүдэд 10 мянган доллараар шагнадаг уламжлалтай. Тэгэхээр манай хоёр бөх энэхүү урамшууллыг авах нь тодорхой болжээ.
-
2016 оны 12 сарын 07
Монгол Улсын Филармонийн гоцлол дуучин СТА Н.Наранбаатарын шинээр гаргасан “Миний захидал” цомгийн албан ёсны нээлт энэ сарын 9-нд HIFI records-д болно.
Тэрбээр хэлэхдээ, “Уран бүтээлээрээ хүмүүжүүлэх, сэтгэлийн цэнгэл бэлэглэх зэрэг үүргийг хүмүүст хүргэх зорилготой. Үүнээс гадна амьд харилцааг эрхэмлэхийг уриалдаг. Орчин үед хүмүүс интернэт, цахим ертөнцөд хэт автаж, цаасан буюу захидлаар харилцах харилцаа багассан учраас цомгоо ийнхүү нэрлэсэн” гэв.
Тус цомогт Монголын хуучны уянгалаг, хит дууг жазз хэмнэлд оруулсан дуунууд болон дэлхий нийтэд хүртээл болсон жазз дуунууд багтсанаараа онцлогтой.
Цомгийг Европын дуу хөгжмийн стандартад нийцүүлэн дуугаралт, эдэлгээ чанарын өндөр түвшинд Герман улсад хэвлүүлсэн бөгөөд продюссерээр Мартин Зенкер ажиллажээ.
Цомгийн баярт хамгийн түрүүнд ирсэн 10 хүнд тэрбээр гарын үсгээ зуран, цомгоо үнэгүй дурсгах аж. Мөн сэтгэлийн үгээ шингээж захиа бичсэн хүмүүсээс шилдэг 10 захиаг шалгаруулан, тэдэнд цомгийн нээлтийн үдэш ”Artystry” ресторанд болох хүлээн авалтад оролцох эрхийн бичиг гардуулах аж.
Ж.Болор
Гэрэл зургийг Н.Батбаяр
-
2016 оны 12 сарын 07
ОХУ-ын суут хөгжмийн зохиолчдын нэг Н А.Римский Корсановын нэрэмжит олон улсын дуурийн дуулаачдын наадам өнгөрсөн сарын 30-наас энэ сарын 4-нд амжилттай болж өндөрлөлөө. Энэхүү уралдаанд Ч.Бадрал, Т.Энхбат нар хоёр, гуравдугаар байр эзэлжээ. Итали, ОХУ, БНХАУ зэрэг 13 орны шилдэг дуурийн дуучид өрсөлдсөн эл уралдаан тэргүүн байр шалгаруулаагүй байна.
Ч.Бадралын хувьд өмнө нь ЗХУ-ын Ардын жүжигчин, төрийн шагналт дуурийн дуучин Бибигуль Тулегенова, М.И.Глинк, Лхасарана Линховоин, Елена Образцова, Надежда Обуховагийн нэрэмжит дуурийн олон улсын уралдаанд шагналт байр эзэлж байсан юм. Харин Т.Энхбат нь өнгөрсөн жил Н.А.Римский-Кореаконын нэрэмжит Санкг-Петербургийн хөгжмийн академийг дүүргэж Мариинский театрын залуучуудын багийн гишүүн болон ажиллаж байгаа юм.
-
2016 оны 12 сарын 07
БНСУ-ын Бусан хотод энэ сарын 12-17-нд “Шинэ давалгаа” үзэсгэлэн гарахаар болжээ. Тэрээр тус хотод суугаа консулын газраас санаачлан МУЭ-ийн дэргэдэх Залуу уран бүтээлчдийн нэгдэлтэй хамтарч гаргаж байгаа аж. Үзэсгэлэнд нийт 33 уран бүтээлчийн 50 гаруй бүтээл багтсан бөгөөд хоёр улсын соёлын салбарын хамтын ажиллагаанд чухал ач холбогдолтой юм.
Энэхүү үйл ажиллагаанд хамтран БНСУ-ын Бусан хотын захиргаа, AIR BUSAN, SUNG GEON, Монголын Урчуудын Эвлэл зэрэг байгууллага оролцох аж.
-
2016 оны 12 сарын 07
Монгол Улс, Индонез улсын хооронд дипломат харилцаа тогтоосны 60 жилийн ой энэ жил тохиож байгаа билээ. Энэхүү ойг тохиолдуулан Индонезийн Ява арлын Бантэн мужийн аялал жуулчлалын тусгай бүс Танжунг Лэсунгд Монголын соёлын төвийг нээжээ.
Нээлтийн үеэр Элчин сайд Ш.Батцэцэг “Энэ арга хэмжээ нь жилийн турш зохион байгуулж буй цуврал арга хэмжээнүүдийн нэг. Соёлын төвд зочилсноор ЮНЕСКО-гийн Соёлын биет бус өвийнн жагсаалтад бүртгэлтэй Монгол гэр, нүүдэлчдийн түүх. соёл, амьдралын хэв маяг, монголчуудын оюун ухааныг шингээсэн оньсон тоглоом, Монгол үндэсний хоолтой танилцах боломжтой” хэмээжээ.
-
2016 оны 12 сарын 07
“Оскар”-ын шагналын баримтат киноны төрлийн эхний шалгаруулалт өчигдөр болсон бөгөөд энэ төрөлд бүргэдчин охин Н.Айшолпаны тоглосон “Бүргэдийн анчин” кино тэнцжээ. Тус төрөлд нийт 145 бүтээл өрсөлдсөнөөс эхний шатанд 15-ыг шигшиж оруулахаар болсон байна.
Баримтат киноны шүүгчид таван нэр дэвшигчийг энэ жагсаалтаас дахин шалгаруулж ирэх оны нэгдүгээр сарын 24-нд зарлах юм байна. Ингэснээр хоёрдугаар сарын 26-нд болох шагнал гардуулах ёслолд оролцох эрхтэй болох юм. Одоогоор тус наадамд өрсөлдөх кинонуудыг шалгаруулах ажил үргэлжлэн явагдаж байна.
-
2016 оны 12 сарын 06
МУГЖ Э.Амартүвшин өнөөдөр Монгол Улсын Соёлын элч хүндэт өргөмжлөлийг гардан авлаа. Тэрбээр МУГЖ Э.Амартүвшингийн хувьд Мариинский, Их театр, ЮНЕСКО-гийн танхим, Ослогийн дуурийн театр, Стэнфордын концертын танхим, Германы Киелийн театр гэх мэт алдартай тайзнаа ая дуугаа өргөж яваа билээ.
П.И.Чайковскийн уралдааны дэд байр, BBC телевизээс зохион байгуулдаг ”Cardiff of singer”-ийн үзэгчдийн таашаалд нийцсэн дуучин, ”Пласидо Доминго”-гийн уралдааны ялагч болж байсан.
-
2016 оны 12 сарын 06
Тайландын нийслэл Бангкок хотноо бодибилдинг, фитнессийн дэлхийн аварга шалгаруулах тэмцээн амжилттай болж өндөрлөв. Тус тэмцээний эмэгтэйчүүдийн атлетик ангилалд оролцсон манай тамирчин, ДАШТ-ий алтан медальт ОУХМ Г.Угалзцэцэг дахин алтан медаль хүртэж хошой аварга болсон бол эмэгтэй модель ангилалд /Women’s Fitness Physique up to 160cm/ оролцсон манай тамирчин А.Ичинноров алтан медаль хүртэж дэлхийн аварга цолтон болсон юм.
Мөн эмэгтэйчүүдийн фитнесс ангилалд оролцсон тамирчин Б.Бадамсүрэн хүрэл медаль, эрэгтэйчүүдийн насанд хүрэгчдийн 65 кг-ийн ангилалд өрсөлдсөн ОУХМ Л.Саруулбат хүрэл медаль хүртсэн амжилт тус тус үзүүллээ.
Тэрээр манай тамирчид өнөөдөр орой 18:00 цагт “Чингис хаан” нисэх онгоцны буудалд газардах юм байна.
-
2016 оны 12 сарын 06
Гоо сайхны олимп гэгддэг “Дэлхийн Мисс 2016”-д нийтдээ 118 орны гоо бүсгүй оролцож байна. Тус тэмцээн АНУ-ын Вашингтон хотноо зохиогдобайгаа бөгөөд энэ сарын 18-нд титмийн эзэн тодрох юм.
Тэрээр Missosology хуудас шилдгээр шалгарах хамгийн өндөр магадлалтай 15 оролцогчийг нэрлэлээ. Үүнд манай мисс А.Баярцэцэг шилдэг тавд багтсан байна.
Missosology нь 14 жилийн турш үйл ажиллагаагаа явуулж байгаа бөгөөд, Miss World, Miss Earth, Miss Universe, Miss International зэрэг дэлхийн гоо бүсгүйн тэмцээнүүдийн тухай онцлон хүргэдэг томоохон цахим сэтгүүл юм.
-
2016 оны 12 сарын 06
Үзэгчидийн дунд ихээхэн хүлээлт үүсгээд байгаа кино бол яахын араггүй “Good dad” буюу “Сайн аав” МУСК билээ. Таксины жолооч Т. Даваасүрэн агсны гэгээн дурсгалд зориулан бүтээж буй “Good dad” буюу “Сайн аав” уран сайхны кино 2017 оны ихээр нээлтээ хийхээр төлөвлөж байна. “Простар” филмийн бүтээл болох “Сайн аав” уран сайхны киноны гол дүрд жүжигчин, найруулагч: СТА С. Баттулга, Маск продакшны жүжигчин: СТА Ш. Жавхлан нар тоглож байгаа аж.
-
2016 оны 12 сарын 06
Үндэсний бөхийн цол дуудаачдын улсын 4 дэх удаагийн уралдаан Монгол бөхийн өргөөнөө амжилттай зохион байгулагдлаа.Тус тэмцээнд эх орны дөрвөн зүг найман зовхисоос нийт 148 оролцогч ур чадвараа сорин өрсөлдсөнөөс 2-р шатанд 43 оролцогч, 3-р шатанд шилдэг 8 шалгарсан бөгөөд 12-р сарын Сумын цолтой болон залуу быөхчүүдийн барилдаан дээр тэд бөх цоллож, шилдгийн шилдгээ тодруулсан юм.
Тэргүүн байрт: Төв аймгийн Зуунмод хотын харьяат, Налайх дүүргээс оролцогч Б.Цэрэндагва
Удаах байрт, Хөвсгөл аймгийн Их-Уул сумын харьяат, бөхийн цолчин засуул Б.Мөнхбаатар,
Гутгаар байрт: Говь-Алтай аймгийн Шарга сумын /Налайх/ харьяат, засуул Э.Хүрэлбаатар
Дөтгөөр байрт: Дархан хотоос оролцогч Б.Дарханням
Тавдугаар байрт: Сүхбаатар аймгийн Асгат сумын харьяат, улсын засуул Т.Хэнбат,
Зургаадугаар байрт: Увс аймгийн Ховд сумын харьяат Б.Гантулга
Долдугаар байрт: Ховд аймгийн Чандманьсумын харьяат, засуул Б.Булгаа
Наймдугаар байрт: Архангай аймгийн Батцэнгэл сумын харьяат, цэргийн заан заан, уртын дууч Д.Алтаншагай нар шалгарлаа.
Тэргүүн байрт шалгарсан Б.Цэрэндагвад Булган сумын Бугат сумын харьяат, цолчин засуул Д.Пүрэвсүрэнгийн үр хүүхдүүд аавынхаа нэрэмжит ”ЭРХЭМ ДЭЭД” хэмээх шагналыг мөн гардуулсан юм.
-
2016 оны 12 сарын 06
Хөгжмийн суут зохиолч П.И.Чайковскийн “Шелкунчик” буюу “Цөмөөхэй” бүжгэн жүжгийг дэлхийн олон орон зул сарын баяраар тайзнаа тоглодог уламжлалтай. Анх 1892 оны арванхоёрдугаар сарын 18-нд Петербургийн Мариинский театрт үзэгчдийн хүртээл болж байсан энэхүү балетыг Дуурь, бүжгийн эрдмийн театрын хамт олон 1982 оноос хойш шинэ жилийн баярт зориулан тоглож, хүүхэд багачуудыг баярлуулж ирсэн.
Энэ жил ч уламжлалаа марталгүй энэ сарын 17-нд бяцхан үзэгчдийнхээ хүртээл болгохоор бэлтгэлдээ оржээ. Гурван бүлэгтэй энэхүү бүжгэн жүжиг нь XVIII зууны сүүлчээр Германы нэгэн жижигхэн хотод болсон үйл явдлыг үзүүлдэг.
Жүжгийн үйл явдал XVIII зууны сүүлчийн Германы жижигхэн хотод зул сарын баяраа тэмдэглэж буй нэгэн гэр бүлд өрнөдөг. Гэрийн эзэд болон зочид Дроссельмейерийг тэсч ядан хүлээж сууна. Түүнийг ирэнгүүт цугларсан хүүхдүүд зочдын өрөөнд орно. Ингээд баяр эхэлж, бүгд хөгжилдөн бүждэг билээ. Дроссельмейер үлгэрийн шидтэн мэт хүүхэлдэйнүүдийг амилуулан бүжиглүүлж, тэдний дунд ханхүү үзэсгэлэнт охиныг харгис хулганы хааны гараас хэрхэн аварч байгааг харуулдаг.
“Цөмөөхэй” бүжгэн жүжгийг энэ сарын 17,18-нд 17.00 цагт УДБЭТ-ын тайзнаа тоглоно.
-
2016 оны 12 сарын 06
Дэлхийн гоо бүсгүйчүүд нэгэн дор цугладаг алдартай тэмцээн бол “Miss World” юм. Улалмжлал ёсоор зохион байгуулагдаж буй тус тэмцээнд эх орноо төлөөлж А.Баярцэцэг маш амжилттай оролцож байгаа билээ. Тэрээр А.Баярцэцэг видео танилцуулгаараа тэргүүлсэн бол үндэсний хоолны төрөлд Ази тивээ төлөөлөн оролцож багаараа хоёрдугаар байрт шалгарсан.
Тэгвэл өнөөдөр шилдэг арван авъяаслаг миссийг шалгаруулжээ. Тэрбээр шилдэг аравт А.Баярцэцэг шалгарчээ. А.Баярцэцэгийн хувьд уран бичлэгийн төрлөөр өрсөлдөж байгаа.
-
2016 оны 12 сарын 06
Би ээжийгээ хачин их зовоож бараг үзэн ядаж өссөн тэнэг хүн дээ. Миний энэ үзэн ядалтыг миний аав бүр дэврэээж хурцалж байсан гэхэд болно доо. Ээжийнхээ хэлсэн үг бүрт адарч бараг чи надад ийм үг хэлэх болоогүй гэх шахам юм хэлнэ. Жаахан дургүй хүргэвэл ангийнхаа хүүхдүүдийнхээр очоод хэвтэчихнэ. Аав минь биднээс тусдаа амьдардаг ч баяр бүрээр бидэнд тор дүүрэн юмтай ирнэ тэхдээ албатай юм шиг голцуу халамцуу айлчилна. Тэгээд л нөгөө улигт хэрүүлээ эхлэнэ дээ. Чи хэрвээ олигтой байсан бол энэ хэдэн хүүхдийн хувь заяа ингэж эргэхгүй байсан юм. Чи л янз бүрийн хүн амьтантай явалдаж байж ийм боллоо. Чиний бөгс бөөрнөөс л болоод энэ гэрийн хувь заяа ийм болсон энэ тэр гээд ээжийг минь бахаа ханатал доромжилж элдэвлэж байгаад явна. Харин ээж минь ганц ч үг хэлэхгүй дуугүй л сууна. Нэг удаа аавыг улигт хэрүүлээ эхлэх үед ах маань уурлаж авчирсан чихэр боовыг нь шалаар нэг тараагаад хаячихаж билээ.. Том ах маань тэр үед биднийг бодвол ухаан сууж эхэлсэн нь тэр байхдаа. Аав ч дахиж энэ талаар дуугаргахгүй болсон юм даг. Харин энэ үед ээж минь аавыгаа яахавнав дээ хэмээн өмөөрөнгүй дуугарахад нь доромжлуулж байхдаа таарсан ёстой усан тэнэг гэж би бодож байж билээ
Ингэж тэнэгтэж , дэлүүрч тэнэж яваад 10 ангид ордог жилээ жирэмсэн боллоо. Яах учраа олохгүй дотроо шаналж явтал ээж минь мэдчихдэг юм байна. Танд хамаагүй би эндээс чинь зайлаад өгнө гээд л цамнаж гарлаа би. Эцэг нь хэн вэ гэж асууна даа гэхээс айж солиорч байгаа нь тэр. Ер нь ч тэгээд үеийнхнийхээ царайг би яаж харах билээ гэхээс яс минь хавтайж байлаа. Ээж минь харин намайг аргадаж хүүхдээ битгий авхуул сургууль соёлоо дараа боль,чи залуу байна гээд аргадаж гарлаа. Чи тэгэж байна уу гэсэн шиг би тэнэгтээд эмнэлэгт очоод үр хөндүүлчихэж билээ. Ёстой үхэх шахсан даа. Үүний дараа ээж минь л намайг асарсан даа.
Би сургуулиа төгсөөд Эрдэнэтдээ үлдэж болох байсан ч зориуд хотод ирсэн билээ. Хүний үг дуүлдаггүй хэнэггүй, тэнэг зангаасаа болж хичээл номоо олигтой хийлгүй явсаар сургуулиасаа хасагдан нэг хэсэг хотод дамардлаа. Олон ч удаа цагдаагийн хаалга татсан даа. Энэ их хотод ч ёстой их ч юм үзсэн дээ. Олон ч залуутай нийлж салж үзлээ дээ. Сүүлдээ нэг боломжийн залуутай суусан суугаагүй хоёрын хооронд байж байгаад жирэмсэн болж үлдлээ. Гарсан хүүхэд маань ядаж тархины саажилттай гэсэн оноштой насан туршдаа хүний гар харж амьдрах нэгэн. Үүнийг сонсоод нөгөө залуу маань ор сураггүй алга боллоо. Одоо хаачих билээ? Ээждээ л очихоос өөр аргагүй боллоо. Уг нь би дахиж хэзээ ч эргэж очихгүй гэж бодож байсан юм. Хүн давахгүй гэсэн даваагаа гурав давж, уулзахгүй гэсэн хүнтэйгээ гурав уулздаг гэгч л болсон доо. Ээж минь хар цагаан дуугарсангүй. Ээжийгээ дургүй байна гэж ойлгосон би эхтэйгээ дахиад л адарч наадхийг чинь арай том болгоод асрамжийн газар өгчихнө . Та санаагаа зовоож хэрэггүй гэж хэлээд ахаараа амаа ардаа гарталаа алгадуулж билээ.
Аав маань бие нь муудаж эмнэлэгт хэвтсэн ч ээжээр минь асруулахгүй хэмээн цааргалаж би үхэхдээ хүртэл чиний энэ тэнэг царайг харахгүй байж болох уу хэмээн ээлжит хатуу ,хахир үгээ хэлж тэнэг зангаа дахиал л гаргалаа. Хүүхдүүд бид нар өөр өөрийн амьдрал, ажилтай болохоор ажлын заваар эргэж очихоос өөр тусгүй. Харин ээж минь аавыг минь уйгагүй асарч шээж, баасыг нь зөөж билээ. Аав минь амьсгал хураахаасаа өмнө гэнэт ухаан орж өөрийг нь тойрон зогсож буй хэдэн хүүхдээ тойруулан харснаа тасалгааны буланд бусдад саад болохгүй гэсэн шиг чимээгүй суугаа ээжийг минь олж хараад чичэрч салгалсан гараараа дохиж байна.Ээж минь үүнийг хөөж гэж бодсон уу хаалга руу гэлдэрлээ. Харин аав минь нааш ир хэмээн сөөнгөтсөн хоолойгоор дуудлаа.Тэгээд ээжийн минь гарыг чангаар атгаж чи энэ хэдэн хүүхдийнхээ буянд сайхан , удаан амьдарна гэж хэлээд нүдээ анин амьсгаадлаа. , Хүнийг уучлах гэдгээ мартсан, хатуугаас хатуу энэ хүний амнаас ийм үг гарна чинээ бид нар бодож байгаагүй билээ. Энэ үед би хатуу хатуугаа биш, зөөлөн нь хатуугаа иддэг гэдгийг ой тоондоо ортол ойлгож билээ.
40 насны өндөрлөгөөс одоо эргэн харахад хүний эрээнтэй бараантай , хатуутай зөөлөнтэй орчлонд хүний амьдралд юу ч эс тохиолдох билээ гэдгийг ухаарч билээ. Тэгээд ч ээж минь залуудаа хачин сайхан бүсгүй байж билээ. Ямар тэнэг эр тийм хүүхнийг урдуураа гаргах билээ. Ганц удаа алдаж гишгээ л биздээ. Энэний төлөө насаар нь адлаж, яллаж байдаг аав бид хоёр ч дээ... Амьдралыг ойлгож,ухаарч, уучилж амьдрах нь хатуу амьдралыг зөөллөж байдгийг хожим ч гэсэн ухаарсан юм даа би.
Цагаан шувуу 2010 Эрдэнэт
-
2016 оны 12 сарын 05
Дэлхийн гоо бүсгүйг шалгаруулдаг “Miss World” тэмцээн АНУ-ын Вашингтон хотноо өнгөрсөн сарын 29-нд эхэлсэн. Тус тэмцээнд манай улсаас “Торго модель” агентлагийн загвар өмсөгч, мисс А.Баярцэцэг оролцох буй юм.
Тэрбээр өчигдөр 30 минутын хугацаанд хоол хийх даалгаварт оролцсон байна. Улмаар хонины сүүл ашиглан Монгол будаатай цай хийжээ.
Түүний энэхүү зоогийг шүүгчид амсаад уулга алдан дахин дахин уусан тухай тэрбээр цахим хуудсаараа дамжуулан мэдээллээ.
А.Баярцэцэг “Дараа нь бүх охидууд ирж ууж үзээд ”Ийм амттай цай хэзээ ч амсаж байгаагүй юм байна” гэж байсан” хэмээсэн байна.
Энэ тэмцээнд Карибийн тэнгисийн гоо бүсгүйчүүд нэгдүгээр байранд орж Ази тив хоёрдугаарт шалгарчээ.
-
2016 оны 12 сарын 05
Монгол улсаа төлөөлөн оролцсон сонсогч, бөх ОХУ-ын Москва хотод болсон “Оросын олон үндэстний уламжлалт бөхийн барилдаанд “Тэнгэрийн Модун” ТББ-ын тамирчин, Москва хотын “Цэргийн их сургуулийн 5-р курсын сонсогч, дэд ахлагч Галсандовжоо овогтой Гантулга 3-р байр эзэллээ.
Өнгөрсөн амралтын өдрүүдэд Москва хотын Иван Ярыгины нэрэмжит Бөхийн ордонд “Оросын олон үндэстний уламжлалт бөхийн барилдааны”-ы 11-р дугаар наадам амжилттай явагдаж өнгөрсөн юм.
Энэхүү тэмцээнд Казахстан, Кыргистан, Туркменистан, Азарбержан, Дагистан, Монгол, Орос гэсэн улс орноос Буриад, Кабардино-Балкар, Карачаево-Черкес, Халимаг, Дагестан, Тыва, Якут, Татарстан, Башкир, Чуваш, Ингушет болон Ханты Мансийскийн өөртөө засах тойргоос нийт 200 нэртэй тамирчин оролцсоны дотор урилгаар оролцсон Монгол, Таджикистан болон Гуржийн бөхчүүд багтсан юм.
Тус тэмцээнийг жил бүр явагддаг энэ тэмцээнд Оросын үндэстнүүдийн таван төрлийн барилдаан зохиогддог. Тухайлбал, буриадын бөхийн барилдаан, Орос үндэстний “За-вороток” барилдаан, татарын “Корэш”, Кавказын ард түмний барилдаан болон Якутын “Халсагай” барилдаан багтдаг гэдгийг хэллээ. Барилдаан 70,80 болон 80-аас дээш гэсэн гурван жинд барилддаг байна.
Энэ удаагийн тэмцээнд Монгол улсаа төлөөлөн уг тэмцээнд оролцсон Москва хотын “Цэргийн их сургуулийн 5-р курсын сонсогч, дэд ахлагч Галсандовжоогийн Гантулга нь буриад бөхийн барилдааны 80-аас дээш жинд барилдаж 3-р байр мөн уг наадмын “Уран гараа дэвээ” тусгай шагналын эзэн боллоо. Г.Гантулга нь сүүлийн таван жил энэ фестивальд болон Улаанталбай дээр зохиогддог Оросын бүр ард түмний наадамд, тасралтгүй ажилттай оролцог бөх юм.
-
2016 оны 12 сарын 05
Оны шилдэг шүлэг шалгаруулах ”Болорцом” наадам нэгдүгээр сарын 28-ны өдөр Дорнод аймгийн төв Чойбалсан хотод зохион байгуулагдах тов гарчээ.
