Улаанбаатар
Өнөөдөр / 2015.09.02
26
Өдөртөө
13
Шөнөдөө

Эмнэлгүүдийн хаяг, утасны дугаарыг утсаараа авах боломжтой болжээ

2013 оны 3 сарын 6
app-1    Хүн амын эрүүл мэндийн тусламж үйлчилгээний хүртээмжийг сайжруулах зорилгоор ухаалаг гар утсанд суурилсан эмнэлэг, эмийн сангийн нэгдсэн лавлах “Hospital info” програм хэрэглэгчдэд хүрч эхлээд байна.

Мэдээлэл нь cap бүр шинэчлэгдэх бөгөөд эмнэлэг, эмийн сангийн үйлчилгээ авахыг хүссэн хүмүүсийн цаг хугацааг хэмнэх давуу талтай юм байна. “Hospital info” програмыг үнэгүй татаж авахаас гадна интернэтгүй үед ажиллах боломжтой аж. Хэрэв та Android системтэй утас хэрэглэдэг бол утасныхаа Playstore руу ороод search хэсэг дээр Hospital info гэж бичээд энэхүү програмыг үнэ төлбөргүй татах боломжтой юм байна. Харин ирэх долоо хоногт iPhone буюу iOS үйлдлийн системтэй утсанд татаж авахаар гаргах гэнэ.

“Итгэлийн шуурга” ХХК-аас гаргасан уг програмд эмнэлэг болон эмийн сангуудын танилцуулга, эмч нарын мэдээлэл, тоног төхөөрөмж, үнэ тариф, зургийн сан, лого, хаяг, утасны дугаар, вэбийн холбоос, газрын зургийн байршил зэргийг оруулсан аж. Мөн эрүүл мэндийн зөвлөгөө болон эмнэлэгүүдийн шаардлагатай дугааруудыг багтаажээ.
Манай сайт танд таалагдаж байвал LIKE хийгээрэй. Танд баярлалаа.
Зарын булан