Засгийн газар ээлжит хуралдаанаа өчигдөр хийж, 10 дэд сайдыг томилсон. Уг нь МАН-ын Удирдах зөвлөлөөс дэд сайдад 13 хүний нэрийг дэвшүүлсэн ч гурав нь дэд сайдаас мултарч хаалганы гадна үлдэв.

Тодруулбал гадаад хэргийн дэд сайдад нэр дэвшүүлсэн Г.Тэнгэр, Хүнс хөдөө аж ахуй, хөнгөн үйлдвэрийн дэд сайдад нэр дэвшүүлсэн Т.Аубакир, Барилга хот байгуулалтын дэд сайдад нэр дэвшүүлсэн М.Батбаяр нарыг томилсонгүй. Тэднийг ямар шалтгаанаар дэд сайдад томилоогүй гэх мэдээлэл одоогоор байхгүй байгаа юм. 

Харин Зам тээврийн дэд сайд Б.Цогтгэрэл, Хууль зүй, дотоод хэргийн дэд сайд Б.Энхбаяр /УИХ дахь МАН-ын бүлгийн хуулийн зөвлөх/, Сангийн яамны дэд сайд Х.Булгантуяа /МАН-ын Нарийн бичгийн дарга/, Батлан хамгаалахын дэд сайд Т.Дуламдорж / ОБЕГ-ын дарга асан /, Эрчим хүчний дэд сайд Т.Гантулга /МАН-ын Нарийн бичгийн дарга/, Байгаль орчин, аялал жуулчлалын дэд сайд Ц.Батбаяр, Уул уурхай хүнд үйлдвэрийн дэд сайд Х.Бадамсүрэн / “Монросцветмет”-ийн захирал, УИХ-ын гишүүн асан/, Эрүүл мэндийн дэд сайдад Л.Бямбасүрэн, Хөдөлмөр нийгмийн хамгаалалын дэд сайд Б.Мөнгөнчимэг /НАМЗХ-ны Нарийн бичгийн дарга/, Боловсрол соёл шинжлэх ухаан, спортын дэд сайд Ё.Отгонбаяр /УИХ-ын гишүүн асан/ нар томилогдлоо.