Ой угтсан айлчлалын онцлох 24 фото

2018-10-04

Хэдхэн хоногийн өмнө Монгол Улсын Ерөнхий сайд У.Хүрэлсүх АНУ-д албан ёсны айлчлал хийгээд ирсэн. Айлчлалын хүрээнд Мянганы сорилын сангийн 350 сая ам.долларын буцалтгүй тусламжийн гэрээнд гарын үсэг зурж, хоёр улсын "Өргөтгөсөн иж бүрэн түншлэлийн тухай" хамтарсан мэдэгдэл гаргасан юм. Өнөөдөр Монгол Улсын 30 дахь Ерөнхий сайдаар У.Хүрэлсүх томилогдсоны нэг жилийн ойн өдөр. Уг ойн өдрийн өмнөхөн хийсэн албан ёсны айлчлалын талаарх 24 фото тэмдэглэлийг хүргэе.

Монгол Улсын Ерөнхий сайд У.Хүрэлсүх АНУ-д албан ёсны айлчлал хийв.

Монгол Улсын Ерөнхий сайд У.Хүрэлсүх АНУ-ын дэд ерөнхийлөгч М.Пенстэй Цагаан ордонд уулзав./2018.09.19/

Уулзалтын үеэр Монгол, Америкийн харилцаа хамтын ажиллагааг өргөжүүлэн хөгжүүлэх талаар санал солилцлоо.

АНУ-ын дэд ерөнхийлөгч “протокол зөрчив”. Учир нь АНУ-ын дэд ерөнхийлөгчийн албан уулзалт албаны өрөөнд болоод л өнгөрдөг. Энэ удаа Монгол Улсын Ерөнхий сайдтай дотночлон уулзаж арын өрөөндөө ч урилаа.

Дэд ерөнхийлөгч Пенс удам дамжсан цэргийн хүн. Энэ тухайгаа хуучлаад Монгол Улсын Ерөнхий сайдад медалион дурсгав.

Ерөнхий сайд У.Хүрэлсүх АНУ-ын Төрийн нарийн бичгийн дарга М.Помпео нар 350 сая ам.долларын буцалтгүй тусламжийн гэрээнд гарын үсэг зурав. /2018.09.20 АНУ.Вашингтон/

Энэхүү буцалтгүй тусламжаар Улаанбаатар хотын ундны усны нөөц, хангамжийг нэмэгдүүлэх цогц төсөл хэрэгжүүлнэ.

Монгол Улсын Ерөнхий сайд У.Хүрэлсүхэд АНУ-ын Төрийн нарийн бичгийн дарга М.Помпео бараалхав. /2018.09.23 АНУ, Вашингтон/

Монгол Улс, АНУ "Өргөтгөсөн иж бүрэн түншлэлийн тухай" хамтарсан мэдэгдэл гаргалаа.

Хоёр улсын "Өргөтгөсөн иж бүрэн түншлэлийн тухай" хамтарсан мэдэгдлийн талаар Гадаад харилцааны сайд хэвлэлийнхэнд мэдээлэл өгөв.

Ерөнхий сайд У.Хүрэлсүх Мянганы сорилтын корпорацын төлөөлөгчидтэй уулзлаа. /2018.09.23/

Ерөнхий сайд У.Хүрэлсүх Дэлхийн банкны ерөнхийлөгч Жим Ён Кимтэй уулзаж Монгол Улсын засгийн газар, Дэлхийн банкны хамтын ажиллагааны үр дүн, цаашид авах арга хэмжээний талаар санал солилцов. /2018.09.24/

Монгол Улсын Ерөнхий сайд олон улсын валютын сангийн тэргүүүн К.Лагардтай уулзаж Монгол Улсад хэрэгжүүлж буй “Өргөтгөсөн санхүүжилтын хөтөлбөр”-ийн үр дүнгийн талаар ярилцав. /2018.09.24/

НҮБ-ын Ерөнхий ассамблейн 73 дугаар чуулганы Ерөнхий санал шүүмжлэл эхлэв.

Ерөнхий сайд У.Хүрэлсүх Нью-Йоркийн Хөрөнгийн биржийн үйл ажиллагаатай танилцлаа.

Ерөнхий сайд У.Хүрэлсүх НҮБ-ын Ерөнхий Ассамблейн Ерөнхий санал шүүмжлэлд үг хэллээ. /2018.09.27 АНУ. НЬЮ ЙОРК/

У.Хүрэлсүх: Энх тайван, аюулгүй байдал, эрх чөлөө, тогтвортой хөгжлийн төлөө дэлхий нийтээрээ хамтдаа хүчин зүтгэхийг НҮБ-ын индрээс уриалж байна.

АНУ-ын Ерөнхийлөгч Дональд Трамптай Цагаан ордонд уулзахаар төлөвлөсөн ч шуурганы улмаас хойшлогдсон уулзалтаа Нью-Йоркт хийв.

АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл (3)

Зочин (202.21.113.46)

Манай Ерөнхий сайд нуруутай, царайтай хүн дээ

2018 оны 10 сарын 04 | Хариулах
Зочин (202.55.183.108)

Аятайхан зурагнууд байсан юм байна шүү дээ хаха

2018 оны 10 сарын 04 | Хариулах
Зочин (202.55.183.108)

Овоо доо, танай сайтЕрөнхий сайдыг ингэж нэг эергээр дүгнэдэг юм байжээ

2018 оны 10 сарын 04 | Хариулах