Баримт 1.
1982 оны нэгдүгээр сарын 17-нд Иллинойс мужийн Чикаго хотод төржээ.
Баримт 2.
Бага наснаасаа хүнд амьдралыг туулсан бөгөөд аав ээж хоёр нь хүүхэд байхад нь салсан аж. Уэйдийн хувьд ээж, эгчтэйгээ хамт амьдарч байсан ба ээж нь хар тамхи мансуурсуулах бодис архи хэрэглдэг байжээ. Ээж нь Уэйдийг аав дээрээ байхыг зөвшөөрч эгчтэйгээ аав дээр очин амьдрах болж. Эцэг Роббинс нүүснээр Уэйд ээжтэйгээ 2 жил уулзаагүй гэдэг.
Баримт 3.
Дуэйн Уэйд Marquette их сургуулиас хоёр жил тоглосон ба эхний жилдээ 17 оноо, дараа жилдээ 21 оноо дундчилан багаа шилдэг дөрөвдүгээрт оруулж байжээ.
Баримт 4.
Тэрбээр 2003 онд NBA-гийн драфтын тав дахь сонголтоор “Майами Хит” багт сонгогдов. Энэ амжилт нь Marquette их сургуулиас нэгдүгээр тойргоор сонгогдсон дөрвөн тоглогчийн нэг болсон аж.
Баримт 5.
NBA-н амьд домог Майкл Жорданыг шүтдэг бөгөөд сагсан бөмбөг тоглох гол шалтгаануудын маань нэг хэмээн ярьж байжээ.
Баримт 6.
2004 онд “Бүх одод”-ын тоглолтод оролцсон бөгөөд нийт 13 удаагийн бүх оддын тоглогч юм.
Баримт 7.
2005-2006 оны улиралд “Майами Хит” анхныхаа аварга цолыг авсан бөгөөд Уэйд Финалын MVP болохдоо хамгийн залуудаа Финалын MVP болсон тав дахь тоглогч болж NBA-гийн түүхэнд гуравдугаарт орохоор өндөр оноог дундчилсан байна. (34.7)
Баримт 8.
Нэг улиралд 2000 оноо 500 дамжуулалт 100 хаалт 100 бѳмбѳг таслалт хийсэн 196 см-ээс намхан цор ганц тоглогч болсон юм.
Баримт 9.
Хамгаалагчийн байрлалд хамгийн олон хаалт хийсэн тоглогч.
Баримт 10.
2006 онд Японд болсон дэлхийн аваргаар Mike Kryzewski дасгалжуулагчаас олон улсын тэмцээнд анх удаа хувилбар системд баригдалгүй дураараа довтлох эрхийг авч байсан цор ганц тоглогч юм.
Баримт 11.
2010 оны зун Леброн, Бош, Уэйд гурав нэгдэж лигт шинэ их гурвал бий болов. Уэйд энэ улиралд 26.5 оноо, 7 самбар 5.2 дамжуулалт дундчилжээ.
Баримт 12.
Аавынхаа захиасыг төгс гүйцэтгэж буй тоглогч бөгөөд аав нь Уэйдийг бүх талаар жигд тоглогч байхыг хүсдэг байсан ба Уэйд ч итгэлийг нь алдалгүй Хитийн түүхэнд бүх үзүүлэлтээрээ эхний тавдугаарт багтдаг ажээ.
Баримт 13.
Майами Хит түүхэнд Уэйд: оноо авалтаар нэгдүгээрт, дамжуулалтаар нэгдүгээрт, амжилттай болгосон довтолгоо нэгдүгээрт, тоглосон минут нэгдүгээрт, оролцсон тоглолт нэгдүгээрт, чөлөөт шидэлт нэгдүгээрт, бөмбөг таслалтаар нэгдүгээрт, хаалт хийсэн тоогоороо хоёрдугаарт, самбараас бөмбөг авалтаар дөрөвдүгээрт, сэлгээнээс хамгийн их 20+ оноо авсан тоглогч, сэлгээнээс хамгийн өндөр оноо авсан тоглогч, Хитийн өмсгөлтэй 20000 оноонд хүрсэн тоглогч түүнээс өөр байхгүй гэх мэт гол үзүүлэлтээрээ тэргүүлдэг.
Баримт 14.
NBA-н бүх оддын тоглолтын MVP (2010) болж байв. Энэ тоглолтод трибл дабл хийсэн бөгөөд энэ нь бүх оддын тоглолтонд трибл дабл хийсэн түүхэн дэх гурван тоглогчийн нэг болон үлдсэн юм.
Баримт 15.
Дуэйн Уэйд NBA-д нийт гурван удаа аварга болсон.
Баримт 16.
NBA-гийн хамгаалалтын нэгдүгээр багт гурван удаа нэрлэгдэж байсан.
Баримт 17.
Уэйд АНУ-ын шигшээ багийн хамтаар хоёр удаа олимпийн наадамд оролцож 2008 оны Бээжингийн олимпийн наадмын аварга болж байсан.
Баримт 18.
Хар багаасаа хулгай дээрэм хар тамхи аллага гэх мэт нийгмийн харанхуй бүхний дунд өссөн тэрээр буруу зам руу оролгүй харин хамгийн их хүмүүсийн хайр хүндэтгэлийг хүлээсэн эерэг халуун дулаан энергитэй тоглогч хэмээн хүндлэгддэг.
Баримт 19.
Миний итгэл найдвар чиний эргэлзээнээс илүү хүчтэй хэмээн хэлсэн хамгийн олонд хүрсэн эшлэл нь юм.
Баримт 20.
Тэрбээр энэ улирлыг өөрийн хамгийн сүүлийн улирал хэмээн зарласнаар улирлын тоглолтуудад тоглосон эсрэг багийн тоглогчтой өмсгөлөө солилцсоноос гадна, түүнд зориулсан тусгай таван өмсгөл иржээ. Уг өмсгөлүүдийг түүний ээж болон түүнээс туслалцаа авч байсан дэмжигчид бэлэглэсэн аж. Мөн сүүлийн тоглолт дээр өөрийн хүү болон багийн нийт гишүүдтэйгээ өмсгөлөө солилцсон байна.
Баримт 21.
Дуэйн Уэйдийн эхнэр Америкийн кино жүжигчин Габриэль Юнион аж.
Баримт 22.
Түүний сүүлийн тоглолтыг үзэхээр Леброн Жеймс ирсэн бөгөөд, “Бид энэ замналаа хамтдаа эхлүүлсэн, ахан дүүс бол сагсан бөмбөгөөс ч илүү үнэт зүйл” хэмээн хэлжээ.
Баримт 23.
Түүнийг зодог тайлахтай холбогдуулан Пол Пийрс "Хэрвээ миний замналд Шак,эсвэл Леброн тухайн үеийн “Миами Хит” багийн бүрэлдэхүүн байсан бол хялбархан 5, 6 аваргын цом өргөх байсан" хэмээн мэдэгдсэн нь олон хүнийг бухимдуулсан үйл явдал болов.
Баримт 24.
Дуэйн Уэйд сүүлчийн тоглолтондоо 25 оноо, 11самбар, 10 дамжуулалт хийж трибл даблыг хийв. Ингэснээр бүх цаг үеийн оноо авалтын жагсаалтад байр ахиж 29 дүгээрт орж ирснээр домогт нэгний карьер өндөрлөв.
Сэтгэгдэл (2)