2019-2020 оны хичээлийн жилд ерөнхий боловсролын сургуулийн нэгдүгээр ангид 38 262 хүүхэд элсэх юм байна. Төрийн өмчийн ерөнхий боловсролын сургуулиуд шинээр элсэн суралцах сурагчдыг ирэх даваа гараг буюу энэ сарын 14-27-нд бүртгэнэ.

Ингэхдээ 2013 оны нэгдүгээр сарын 1-нээс 12 дугаар сарын 31-ний хооронд төрсөн хүүхдийг нэгдүгээр ангид элсүүлэх юм. Харин таван настай буюу 2014 оны нэгдүгээр сарын 1-нээс хойш төрсөн хүүхдийг бүртгэхгүй юм байна.

Хамран сургах тойргийн хүүхдүүдийг ямар нэг элсэлтийн шалгалтгүйгээр бүртгэж, элсүүлэх бөгөөд элсэгчдээс бүртгэлийн хураамж, төлбөр авахгүй. Бүртгэлийн явц, мэдээг тавдугаар сарын 17, 24-нд гаргах аж.

Нэгдүгээр ангид элсэх хүүхдийг бүртгүүлэхэд,

-Хүүхдийн төрсний гэрчилгээний эх хувь болон хуулбар,

-Эцэг, эх болон асран хамгаалагчийн цахим үнэмлэхний эх хувь болон хуулбар,

-3х4 хэмжээтэй нэг хувь цээж зураг авч очих шаардлагатай аж.