Дорноговь аймгийн Замын-Үүд сумын Борхойн багийн нутаг автозамын зорчих хэсэг Улаанбаатар хотоос Замын-Үүд сумын чиглэлд 45 зорчигчтойгоор явж байсан “Юниверс” загварын хүн тээврийн автобус өнгөрсөн нэгдүгээр сард осолдсон билээ.

Дуудлагын дагуу тус сум дахь Онцгой байдлын хэлтсийн 12 алба хаагч, Цагдаагийн хэлтсийн 12 алба хаагч, АТҮТ-ийн хоёр ажилтан, сумын нэгдсэн эмнэлгийн 10 хүн, нийт 36 хүн, есөн техник хэрэгсэлтэйгээр ажилласан талаар Онцгой байдлын ерөнхий газраас мэдээлж байсан юм.

Харин ослын талаар тухайн үед Тээврийн цагдаагийн албанаас "2019.01.08-ны өдрийн 06 цагийн орчимд Дорнговь-УБ чиглэлд зорчиж байсан хот хоорондын том оврын автобус нь Замын-Үүд хот руу орох төв хаалгыг мөргөсөн ноцтой осол гарсан. Ослын улмаас 2 жолоочийн амь нас хохирч, 31 зорчигч гэмтэж бэртсэн. Гэмтсэн иргэдийг Замын-Үүдийн эмнэлэгт үзлэгт оруулж, эмчилгээ хийж байгаа бөгөөд галт тэргээр УБ хотод тээвэрлэж авчирна" гэлээ. 

Тэгвэл уг ослын үеэр хүнд гэмтэл авч ГССҮТ-д хүргэгдэн, эмчлүүлж байсан иргэн нас барсан байна. Талийгаач ослын дараах өвчний хүндрэлээ даагаагүй гэдгийг ар гэрийнхэн нь мэдэгдээд буй. Тиймээс уг ослын үеэр автобусанд зорчиж явсан иргэд өнөөдөр 11.30 цагаас хэвлэлийн хурал хийхээр болжээ.

Ингээд өнөөдөр болох үйл явдлыг тоймлон хүргэе.

10.30 цагаас Нийслэлийн хэвлэл мэдээллийн танхимд Жижиг дунд үйлдвэрийн бүтээгдэхүүн үйлчилгээ, технологи-2019” олон улсын үзэсгэлэнгийн талаар хэвлэлийн хурал

11.00 цагт "Улаанбаатар марафон- 2019" Олон улсын тэмцээн болон автомашингүй өдрийг зохион байгуулах талаар мэдээлэл хийнэ.

11.00 цагт Бөхийн “Увс нуур” галын 20 жилийн ой Монгол бөхийн баярын хэвлэлийн бага хурал болно. Хуралд Увс аймгийн алдар цолтой бөхчүүд оролцоно.

11.30 цагаас Байгаль хамгаалах хаврын сарын аяны хүрээнд 10,000 хүний бүрэлдэхүүнтэйгээр Туул голын эрэг дагуух хог хаягдлыг цэвэрлэх ажлыг 2019-05-25-ны өдөр зохион байгуулах тухай мэдээлэл хийнэ. Улаанбаатар хотын Захирагчийн ажлын алба, Байгаль орчин аялал жуулчлалын яам, Хүрээ морьтон ХХК-ийн төлөөллүүд мэдээлэл хийнэ. Холбогдох дугаар 88109320

11.30 цагаас Замын-Үүдэд болсон автобусны ослын улмаас дахиад нэг хүн өвчнөө дийлэлгүй нас барсан бөгөөд тухайн үед автобусанд зорчиж явсан хохирогчид хэвлэлийн бага хурал Үндэсний мэдээллийн төвд зарлалаа.

11 цагт Сонгинохайрхан дүүргийн 22-р хороонд баригдах "Зорчигч тээвэр 3" ОНӨААТҮГ-ын "Нийтийн тээврийн автобус парк" төслийн барилгын шав тавих ёслол өнөөдөр. Утас: 88222777

11:30 цагт “Монгол ньюс” мэдээллийн төвд Тост тосон бумбын нурууны сав газарт хууль бус үйл ажиллагаа явуулж байгаа “Саусгоби Коал Транс” компанитай холбоотой шинэ баримт дэлгэнэ. Лавлах утас: 99066078. Ѳмнѳговь аймгаас тѳрѳн гарсан уран бүтээлчид, тамирчид, сэтгүүлчид, зохиолчид хэвлэлийн бага хуралд оролцож нутгийнхаа эрх ашгийн тѳлѳѳ үзэл бодлоо илэрхийлнэ

12.00 цагт АН-ын ахмад гишүүд хэвлэлийн бага хурал зарлалаа.