"Хөгжлийн түлхүүр эмэгтэйчүүд” төрийн бус байгууллагын Г.Хажидмаа Эрүүл мэндийн сайд Д.Сарангэрлийг өөрийн хүсэлтээр ажил үүргээсээ огцрохыг шаардлаа.

Учир нь Хан-Уул дүүргийн 15 дугаар сургуульд суралцдаг 38 сурагч, нэг багшаас сүрьеэ өвчний халдвар илэрч асуудал дэгдсэн.

Уг асуудалд Эрүүл мэндийн сайд “Эдгээр өвчилсөн хүүхдүүдэд сүрьеэгийн эмчилгээ хийх шаардлага байна уу. Хэрэв эмчилвэл элэг нь өвчилнө” гэж хэлсэн нь олон нийтийн ихээхэн дургүйцлийг хүргээд байна.

Тиймээс Эрүүл мэндийн салбарт үүсээд байгаа алдаа дутагдал нь тус салбарыг мэргэжлийн бус хүн удирдсантай шууд холбоотой гэж үзсэн учраас ийн шаардсан байна.

Б.Лхам