Азийн соёл иргэншлийн их чуулганд зориулсан урлагийн наадмын нээлт энэ сарын 16-ны өдөр БНХАУ-ын Бээжин хот дахь Үндэсний цэнгэлдэх хүрээлэнд боллоо.

Азийн өнцөг булан бүрээс ирсэн уран бүтээлчдийн хамтарсан тоглолтыг Шувууны үүр цэнгэлдэх хүрээлэнд цугласан 30 мянга гаруй хүн үзэж сонирхсон байна. Азийн соёл иргэншлийн их чуулганд олон улсаас нийт 1300 гаруй төлөөлөгч оролцож буй бөгөөд чуулган, зөвлөгөөн, бусад салбар хуралдаан нь энэ сарын 22-ны өдрийг дуустал үргэлжлэх юм.

Энэ үеэр БНХАУ-ын дарга Ши Жиньпин “Дорно дахины түүх, соёлын дундаршгүй баялаг өв Азийн улс орнуудыг эвлэлдэн нэгтгэхийн сацуу нэгэн чигт хөгжил дэвшилд хөтлөх гүүр болно. Энэ үдэш Азийн соёлын өнгө өнгийн цэцэгс энд нэгэн зэрэг дэлгэрнэ. Соёл урлагийн ачаар хил хязгаарыг давсан ард түмнүүдийн найрамдалт харилцаа улам бүр цэцэглэн хөгжиж энх амгалан, хөгжингүй Азийг дэлхий дахинаа таниулна" хэмээн тэмдэглэжээ.

CCTV.COM