Хөвсгөл аймгийн Рэнчинлхүмбэ сумын Далайн зах багийн Товогийн-Ар гэдэг газарт 13 настай охин өнгөрсөн оны наймдугаар сарын 7-ны өдөр малаа хариулж яваад сурагггүй болсон билээ. Сураггүй алга болсон охиныг эрэн хайх ажлыг дахин эхлүүлэхийг тус аймгийн Цагдаагийн газраас гаргасны дагуу эрлийг ажлыг эхлүүлсэн байна.

Эрлийн багт тус аймгийн Онцгой байдлын газрын Эрэн хайх, аврах салбарын 5 алба хаагч 1 автомашин, аймгийн Цагдаагийн газрын 7 алба хаагч, 2 нохой, 1 автомашин, нийт 12 алба хаагч, 2 нохой, 3 автомашинтай 243 км замыг туулан өчигдөр 19.45 цагт очиж, тус багийн Товогийн-Ар гэдэг газарт нисгэгчгүй төхөөрөмж нисгэн эрэн хайх ажиллагаа явуулах газрыг тандсан байна. Гэвч үзэгдэх орчин хязгаарлагдсан тул эрлийг түр зогсоож, өнөөдөр өглөөний 8.00 цагт эрэн хайх ажиллагааг эхлүүлжээ.