Элсэлтийн ерөнхий шалгалт орон даяар энэ сарын 17-нд эхэлнэ. Монгол Улсын түүх  09.00 цагт, физикийн хичээлээр 13.00 цагт шалгалт авах бол зургадугаар сарын 18-нд 09.00 цагаас хими, 13.00 цагт газарзүй, 16.30 цагт англи хэлний шалгалт авах юм. Маргааш нь буюу 19-ны 09.00 цагт биологийн хичээлээр үргэлжлэх бол 13.00 цагаас математикийн шалгалттай. Монгол хэлний хичээлийн шалгалт 20-ны өдрийн өглөө 09.00 цагаас эхлэх бол орос хэл 13.00 цагт, нийгмийн ухааны хичээлийн шалгалт 16.30 цагаас тус тус товлогдоод буй.

Боловсролын үнэлгээний төвийн мэдээлснээр шалгалт эхлэхэд эхлэхэд цагдаа, тагнуулын харуул хамгаалалт дор сэдэв, даалгавар зохих ёстой газрууддаа хүргэх бэлтгэл ажил хийгдэж байгаа юм байна. Шалгалтын бэлтгэл жил дуусах шатандаа орсон бөгөөд сурагчид суудлынхаа хуваарийг хэвлэж авахад бэлэн болжээ. Элсэлтийн ерөнхий шалгалтын журмын дагуу зургадугаар сарын 21-ний өдрийн 09.00 цагт шалгалтын бүх мэдээлэл нийтэд зарлагдах аж.