Энэ сарын 16-наас 20-ны хооронд Бүгд Найрамдах Киргиз Улсын Иссык Кол хотод зохиогдож буй "Mental Arithmetic-2019” цээж бодолтын нээлттэй тэмцээнд манай улсыг төлөөлөн Монголын Оюун Ухааны Академийн есөн тамирчин оролцож байна.
Уг нь 4-12 насны 21 тамирчин оролцох байсан ч цаг уурын нөхцөлөөс шалтгаалан зарим нь оролцох боломжгүй болжээ. Тэмцээний дүнгээс сонирхуулахад зургаан настай Б.Манлай, Ш.Ариун-Од нар мөнгөн медаль, Х.Мишээл хүрэл медаль хүртжээ.
Мөн тэмцээний 10 насны ангилалд өрсөлдсөн Б.Эрмүүн хүрэл медалийн болзол хангасан бол дээд түвшинд өрсөлдсөн Д.Хүслэн алтан медаль хүртэж түрүүллээ.
Өнөөдөр 11, 12 насны ангилалд Г.Мөнх-Оргил, Б.Итгэлмаа, Б.Биндэръяа нар өрсөлдөх бол тэмцээний төгсгөлд нийт 400 тамирчны дунд зохиогдох "Absolute Champion” буюу "Үнэмлэхүй Аварга" шалгаруулах төрөл явагдах аж.
