Налайх, Багахангай дүүргийн прокурорын газраас санаачлан дүүргийн хэмжээний зөрчлийн хэрэг бүртгэх эрх бүхий байгууллагуудын дунд “Шилдэг эрх бүхий албан тушаалтан” уралдааныг 2019 оны 6 дугаар сарын 17-ны өдөр зохион байгуулжээ.

Зөрчлийн тухай хууль, Зөрчил шалган шийдвэрлэх тухай хуулийн хэрэгжилтийг хангуулах, эрх бүхий албан тушаалтнуудын ур чадварыг сайжруулах, харилцан туршлага солилцох боломжийг бүрдүүлэх зорилготой тус уралдаанд дүүргийн Улсын бүртгэлийн хэлтсийн хяналтын улсын байцаагч Б.Саранцэцэг 1 дүгээр байр, Мэргэжлийн хяналтын тасгийн Мал эмнэлгийн хяналтын улсын байцаагч Д.Шүрэн-Эрдэнэ 2 дугаар байр эзэлж Дүүргийн ерөнхий прокурорын өргөмжлөл, мөнгөн шагналаар шагнуулсан байна.

НАЛАЙХ, БАГАХАНГАЙ ДҮҮРГИЙН ПРОКУРОРЫН ГАЗАР