БНХАУ-ын Сичан хиймэл дагуул хөөргөх төвөөс “Чанжэн 3B” зөөгч пуужин ашиглан 46 дахь удаагийн Бэйдөү навигацийн хиймэл дагуулыг энэ сарын 25-ны 02.09 цагт амжилттай хөөргөжээ. Түүнчлэн энэ нь “Бэйдөү 3” системийн 21 дэх хиймэл дагуул аж.

Хиймэл дагуул тойрог замд хэд хэдэн удаа туршилт хийсний дараа өмнө нь хөөргөсөн “Бэйдөү 3” системийн 20 хиймэл дагуултай хамт ажиллаж, системийн хамрах хүрээ, байршлын нарийвчлал, үйлчилгээний хүчин чадлыг сайжруулахаар ажиллах юм. Тус хиймэл дагуулыг Хятадын Сансарын технологийн академи, Сансарын шинжлэх ухаан, технологийн корпораци бүтээжээ. Мөн энэ нь “Чанжэн” зөөгч пуужингийн хөөргөсөн 307 дахь хиймэл дагуул аж.

CCTV.COM