Амгалан орчим дахь галт тэрэгний гармаар нэвтэрч явсан суудлын автомашин галт тэргэнд мөргүүлж, осол гарчээ.
Тодруулбал, өнөөдөр 11.40 цагийн орчимд Амгалангийн 413 км дахь гарам дээр Сэлгээний галт тэрэг Тоёота приус маркийн автомашинтай мөргөлдсөн байна. Тодруулбал, гармын анхааруулах улаан гэрэл асаж, хаалт бууж байх үед приус маркийн автомашин гарам руу орсоноос болж осол гарсан бололтой.
Приус маркийн машинд зорчиж явсан хоёр зорчигч бэртэж, ГССҮТ-д хүргэжээ. Уг ослыг Тээврийн цагдаагийн албанаас үргэлжлүүлэн шалгаж байна.