"Торгоны зам 2019" олон улсын авторалли уралдаан энэ сарын 6-наас 16-ны өдрүүдэд ОХУ, Монгол, БНХАУ-ын нутаг дэвсгэрийг дамнан болж байна. Уралдаанд 40 улсын 97 тамирчин, 54 автомашин, 16 том оврын ачааны машин, 24 мотоцикл оролцож буй.


Автораллид оролцогчид өчигдрөөс “Мандалговь-Даланзадгад”-ын маршрутаар нийт 412 км уралдахаар боллоо.

Уралдаанд Катар, Франц, АНУ, ОХУ, Япон зэрэг орны тамирчид төрөлдөө тэргүүлж байна.


Мотоциклийн төрөлд дөрвөн эмэгтэй тамирчин оролцож байгаагаас ОХУ-ын тамирчин Анастасия Нифонтова, Испанийн тамирчин Габриэла Новотнацагт нар уралдааныг үргэлжлүүлэх боломжгүй болсон бол Испанийн тамирчин Лайя Санс, Монголын тамирчиг Б.Бат-Ундрал нар тэмцээнийг үргэлжлүүлж байна. Оролцогчид Төв, Мандалговь, Даланзадгад гэсэн маршрутаар өнөөдөр уралдаж, Гашуунсухайтын боомтоор БНХАУ-ыг зорих юм.

“Торгоны зам 2019” /Silk way Rally/ олон улсын авто ралли уралдааны ХУВААРЬ:

7.06 – ОХУ – Иркутск /нээлт/
7.08 – Улан-Үдэ
7.09-10 – Улаанбаатар
7.11 – Мандалговь
7.12 – Даланзадгад
7.13 – Баянбулаг боомтоор гарах
7.14 – БНХАУ-Алашань /Alxa Yonqi/
7.16 – Жиаюгуан /Jianguguan, ХААЛТ/