УИХ-ын 2019 оны хаврын ээлжит бус чуулганы долдугаар сарын 19-нөөс наймдугаар сарын 16-ны өдрүүдэд намын бүлэг, зөвлөл, ажлын хэсэг, байнгын хороо болон нэгдсэн хуралдаанаар дараах асуудлыг хэлэлцэнэ. Үүнд

 НЭГ.УИХ дахь намын бүлэг, зөвлөлийн хуралдаан: 08 дугаар сарын 12-нд 

• Улсын Их Хурал дахь Монгол Ардын намын бүлгийн хуралдаан “Жанжин Д.Сүхбаатар” танхимд; 

• Улсын Их Хурал дахь Ардчилсан намын зөвлөлийн хуралдаан “Их Эзэн Чингис хаан” танхимд. 

 ХОЁР.Ажлын хэсгийн хуралдаан:

07 дугаар сарын 22-нд

• Гүйцэтгэх эрх мэдлийн хариуцлагыг нэмэгдүүлж, тогтвортой байдлыг хангахтай холбоотой нэмэлт, өөрчлөлтийн талаарх хэлэлцүүлэг 09.00 цагаас “Жанжин Д.Сүхбаатар” танхимд.

07 дугаар сарын 23-нд 

• Парламентын ардчиллыг төлөвшүүлж, ард түмний засаглах эрхийг хангахтай холбоотой нэмэлт, өөрчлөлтийн талаарх хэлэлцүүлэг 09.00 цагаас “Жанжин Д.Сүхбаатар” танхимд.

07 дугаар сарын 24-нд

• Шүүх эрх мэдлийн хариуцлагыг дээшлүүлж, хараат бус байдлыг хангахтай холбоотой нэмэлт, өөрчлөлтийн талаарх хэлэлцүүлэг 09.00 цагаас “Жанжин Д.Сүхбаатар” танхимд.

07 дугаар сарын 25-нд

• Нутгийн удирдлагын тогтолцоог боловсронгуй болгохтой холбоотой нэмэлт, өөрчлөлтийн талаарх хэлэлцүүлэг 09.00 цагаас “Жанжин Д.Сүхбаатар” танхимд.

 07 дугаар сарын 26-нд

• Монгол Улсын Үндсэн хуульд оруулах нэмэлт, өөрчлөлтийн төсөл дэх байгалийн баялаг /6.1, 6.2/, эдийн засгийн асуудалтай холбогдох зүйл, хэсэг, заалтын талаарх хэлэлцүүлэг 09.00 цагаас “Жанжин Д.Сүхбаатар” танхимд. 

07 дугаар сарын 27, 28-нд: 

• Монгол Улсын Ерөнхийлөгчөөс 2019 оны 07 дугаар сарын 16-ны өдөр Улсын Их Хуралд өргөн мэдүүлсэн Монгол Улсын Үндсэн хуульд оруулах нэмэлт, өөрчлөлтийн төсөл, саналыг Улсын Их Хурлаар хэлэлцэж байгаа Улсын Их Хурлын гишүүн Д.Лүндээжанцан нарын нэр бүхий 62 гишүүнээс өргөн мэдүүлсэн төсөлтэй уялдуулах, асуудлыг зөвшилцөх үүрэг бүхий Монгол Улсын Их Хурлын 2019 оны 72 дугаар тогтоолоор байгуулагдсан ажлын хэсгийн хуралдаан 10.00 цагаас “Жанжин Д.Сүхбаатар” танхимд.

07 дугаар сарын 22-ноос 08 дугаар сарын 09-ний өдрүүдэд:

• Монгол Улсын Үндсэн хуульд оруулах нэмэлт, өөрчлөлтийн төсөлтэй холбогдуулан Улсын Их Хурлын гишүүд орон нутгийн иргэд, сонгогчидтой уулзаж, уг төслийн талаар мэдээлэл өгч, санал бодлыг нь сонсох. 

07 дугаар сарын 29-нөөс 08 дугаар сарын 12-ны өдрүүдэд:

• Монгол Улсын Үндсэн хуульд оруулах нэмэлт, өөрчлөлтийн төслийг хоёр, гурав дахь хэлэлцүүлэгт бэлтгэх үүрэг бүхий Монгол Улсын Их Хурлын 2019 оны 68 дугаар тогтоолоор байгуулагдсан ажлын хэсэгт мэргэжил, арга зүйн туслалцаа үзүүлэх үүрэг бүхий ажлын дэд хэсгүүдийн хуралдаан: 

/Хуралдааны танхим, цагийг жич зарлана/

-Парламентын ардчиллыг төлөвшүүлж, ард түмний засаглах эрхийг хангахтай холбоотой нэмэлт, өөрчлөлтийн ажлын дэд хэсгийн хуралдаан;

-Гүйцэтгэх эрх мэдлийн хариуцлагыг нэмэгдүүлж, тогтвортой байдлыг хангахтай холбоотой нэмэлт, өөрчлөлтийн ажлын дэд хэсгийн хуралдаан;

-Шүүх эрх мэдлийн хариуцлагыг дээшлүүлж, хараат бус байдлыг хангахтай холбоотой нэмэлт, өөрчлөлтийн ажлын дэд хэсгийн хуралдаан;

-Нутгийн удирдлагын тогтолцоог боловсронгуй болгохтой холбоотой нэмэлт, өөрчлөлтийн ажлын дэд хэсгийн хуралдаан;

-Томьёоллын ажлын дэд хэсгийн хуралдаан;

-Монгол Улсын Үндсэн хуульд оруулах нэмэлт, өөрчлөлтийн төслийн эхийг баригчийг мэдээлэл, мэргэжил, арга зүйн туслалцаагаар хангах ажлын дэд хэсгийн хуралдаан.

 08 дугаар сарын 13-нд

• Монгол Улсын Үндсэн хуульд оруулах нэмэлт, өөрчлөлтийн төслийг хоёр, гурав дахь хэлэлцүүлэгт бэлтгэх үүрэг бүхий Монгол Улсын Их Хурлын 2019 оны 68 дугаар тогтоолоор байгуулагдсан ажлын хэсгийн хуралдаан 10.00 цагаас “Жанжин Д.Сүхбаатар” танхимд.

 ГУРАВ.Байнгын хорооны хуралдаан:

 08 дугаар сарын 14-нд

 1.Төрийн байгуулалтын байнгын хорооны хуралдаан 10.00 цагаас “Жанжин Д.Сүхбаатар” танхимд: 

 Хэлэлцэх асуудал:

•Монгол Улсын Үндсэн хуульд оруулах нэмэлт, өөрчлөлтийн төсөл /Улсын Их Хурлын гишүүн Д.Лүндээжанцан нарын 62 гишүүн 2019.06.06-ны өдөр өргөн мэдүүлсэн, хоёр дахь хэлэлцүүлэг, үргэлжилнэ/.

 ДӨРӨВ.Чуулганы нэгдсэн хуралдаан:

 08 дугаар сарын 15, 16-нд

Монгол Улсын Үндсэн хуульд оруулах нэмэлт, өөрчлөлтийн төсөл /Улсын Их Хурлын гишүүн Д.Лүндээжанцан нарын 62 гишүүн 2019.06.06-ны өдөр өргөн мэдүүлсэн, хоёр дахь хэлэлцүүлэг/.