Энэ сарын 20-ноос 21-нд шилжих шөнө нийслэлийн Сүхбаатар дүүргийн наймдугаар хорооны нутаг дэвсгэрт байрлах шөнийн клубын дэргэд хэсэг хүмүүс хар тамхи хэрэглэж байна гэх дуудлага цагдаагийн байгууллагад ирсэн байна.

Дуудлагын дагуу цагдаагийн шуурхай албанаас шалгалт явуулахад 20-29 насны гурван этгээд мансууруулах төрлийн өвсний ургамал хэрэглэж байжээ. Уг үйлдлийг таслан зогсоож, хэрэгтнүүдийг саатуулсан байна.

Хэргийг Сүхбаатар дүүргийн Цагдаагийн нэгдүгээр хэлтэст шалгаж байна.