МУИС-ийн урд байрлах компьютер худалдааны төвийн хажууд газар цөмөрчээ. Яг одоогийн байдлаар цагдаа болон онцгой байдлын албанаас хамгаалалт гарсан байна.

Энэ талаар ОБЕГ-аас тодруулах “Цөмөрсөн газар дор дээр үед иргэний хамгаалалтын зорилгоор ашиглаж байсан хорогдох байр байх шиг байна.

Газар дээр нь мэргэжлийн баг ажиллаж байна” гэлээ. Бусад эх сурвалжийн өгүүлснээр үргэлжлэн орсон борооны улмаас МУИС, Хүмүүнлэгийн ухааны сургуулийн орчимд их хэмжээний ус хуримтлагдсан байна. Үүний улмаас газар цөмөрч, дороос нь үл мэдэгдэх байгууламжийн хэсэг гарч иржээ.

Г.Эрдэнэ