Энэ жилийн баяр наадмаар шөвгөрсөн 16 бөхийн хоёроос нь сэргээш илэрсэн гэсэн мэдээлэл гарсан. Харин Допингийн төвөөс энэ хоёр бөх хэн болох тухай мэдээлэл хийгээгүй нь цахим орчинд янз бүрийн таамаг дэвшүүлэхэд хүргээд байгаа. Тэгвэл энэ жилийн шөвгөрсөн бөхчүүд өнөөдөр Баяр наадмын комиссоос өөрсдөд нь хүргүүлсэн шинжилгээний хариуны талаар цахим хуудсаараа мэдэгдээд байна. Үүнд:

1. Улсын аварга Н.Батсуурь /лайв хийсэн/

2. Улсын аварга Ч.Санжаадамба /лайв хийсэн/
3. Улсын аварга С.Мөнхбат /лайв хийсэн/
4. Улсын арслан П.Бүрэнтөгс /лайв хийсэн/
5. Улсын арслан Ц.Содномдорж /лайв хийсэн/
6. Улсын харцага Д.Анар /лайв хийсэн/
7. Улсын өсөх идэр, өрнөн дэлгэрэх начин Э.Энхбат /лайв хийсэн/
8. Улсын өсөх идэр начин Д.Цэрэнтогтох /лайв хийсэн/
9. Улсын начин Б.Орхонбаяр /лайв хийсэн/
10. Улсын начин Б.Цэдэнсодном /лайв хийсэн/
11. Улсын начин А.Давааням /лайв хийсэн/
12. Улсын начин Н.Баярбаатар /лайв хийсэн/ нар сэргээшийн шинжилгээний хариугаа олон нийтэд мэдээлээд байна. 

Харин улсын гарьд Б.Гончигдамба /zarig.mn сайтад утсаар мэдэгдэн удахгүй лайв хийнэ гэсэн бол улсын харцага Б.Бат-Өлзий өөрийн цахим хуудсанд сэргээш илрээгүйгээ пост хэлбэрээр үлдээсэн байна.

Одоогоор ямар нэгэн мэдэгдэл хийгээгүй хоёр бөх байгаа бөгөөд улсын аварга Э.Оюунболдын хувьд авто замын салбар үүсч хөгжсөний 90 жилийн түүхт баяр наадмын гурвын даваанд гарч барилдах байсан ч ажил гарсан шалтгаанаар барилдаагүй юм. Харин улсын начин Ж.Ням-Эрдэнийн хувьд сүлжээгүй газар явж байгаа гэсэн мэдээлэл байна.

А.Болд