ТЕГ-ын дарга асан, хошууч генерал Б.Хурц нарт холбогдох шүүх хурал гурав дахь өдрөө үргэлжилж байна. Энэ сарын 13-нд болсон шүүх хурал завсарласан шалтгаан нь уг шүүх хуралд хохирогчоор оролцож буй хохирогчийн өмгөөлөгч болон ялтан Т.Чимгээгийн биеийн байдал муудсан учир түр хугацааны завсарлага авсан юм. Энэ талаар өмгөөлөгч Г.Батбаяр “Шүүх хурал хийж байгаа өрөө жижигхэн. Нууцын зэрэглэлтэй учир цонх онгойлгох боломжгүй. Ийм жижигхэн өрөөнд олон хүн байгаа учир агааргүйдэж байна. Үүний улмаас хэд хэдэн хүний даралт ихэссэн. Миний үйлчлүүлэгч С.Баярын хувьд захиалагч, зохион байгуулагч гэж буруутгаж байгаа. Бүх хүнийг л ингэж буруутгасан.

Б.Хурцад нэг эмэгтэй бичиг өгсөн талаарх бичлэгийн хувьд “Та хариуцлагаа хүлээх ёстой” гэсэн агуулгатай зүйл бичсэн байна лээ.

Шүүх хурлаар гэм буруутай эсэхийг тогтооно. Шүүхийн хойд хаалгаар гарч зугтаасан зүйл байхгүй. Аюулгүй байдлыг хангах үүднээс шүүхийн алба хаагчид ажлаа хийж байгаа юм байна.

Миний үйлчлүүлэгчийг цагаатгах үндэслэл бүрэн бий.

Г.Эрдэнэ