Сэлэнгэ аймгийн Ерөө сумын Бугант тосгоны 80 гаруй хувь нь ой модоор хүрээлэгдсэн, байгалийн үзэсгэлэн цогцолсон газар нутаг. Гэтэл ой модыг хайр найргүй сүйтгэж, хууль бусаар алт ухаж, дураараа дургиж байсан хятад иргэдийн үйлдлийг “Дэлхийн Монгол Ногоон Нэгдэл”, “Дэлхийн цэцэрлэгт хүрээлэн Монголд” төрийн бус байгууллагын төлөөлөл өнгөрсөн долдугаар сарын 28-нд илрүүлж, холбогдох хууль хяналтын байгууллагад шилжүүлсэн байна. Үүний дагуу цагдаагийн байгууллагаас хууль бусаар алт олборlож байсан долоон хятад иргэнийг  шалгаж, алт олборлоход ашиглаж байсан тоног, төхөөрөмжийг лацдаж, битүүмжилжээ.

Гэвч нэр бүхий долоон хятад иргэн дахин алт олборлохоор тоног төхөөрөмжөө байршуулан, ажлаа эхлэж байхыг нь “Дэлхийн Монгол Ногоон Нэгдэл” дахин илрүүлсэн байна.

Тиймээс цагдаагийн байгууллагад уламжилж, "Хууль бус ийм үйлдэлтэй хэрхэн тэмцэх бэ. Монголын төр хятад иргэдийн хууль бус үйлдлийн өмнө хүчин мөхөстөж байна" гэдгийг тус хөдөлгөөний тэргүүн Бээжин өөрийн фэйсбүүк хуудсаараа дамжуулан уламжиллаа.