ОХУ-ын Россия-1 сувгийн "Удивительные люди" буюу "Гайхамшигт хүмүүс" шоу нэвтрүүлэгт Монголын Оюун Ухааны Академийн тамирчин, бага насны ангилалын 2019 оны улсын аварга, дэлхийн дөрвөн дээд амжилтыг эзэмшигч Ш.Наранбат оролцохоор болжээ.

Уг нэвтрүүлэгт хэдхэн хоногийн өмнө өсвөрийн дэлхийн аварга, дэлхийн 10 дээд амжилтыг эзэмшигч ОУ-ын их мастер Э.Лхагвадулам оролцоод ирсэн билээ.

Ш.Наранбатын хувьд энэ сарын 22-ны өдөр дээрх шоунд оролцохоор болсон байна. Ийнхүү Монголын оюун ухааны баг тамирчид улсынхаа нэр хүндийг дэлхийд өргөөд зогсохгүй Хятад болон Оросын хамгийн их үзэгчтэй шоунд оролцож, тэднийг гайхашруулсаар байна.

 Б.Лхам