Булган аймагт халдварт сүрьеэгийн 30 ортой барилга хоёр тэрбум төгрөгөөр баригдаж  буй бөгөөд ашиглалтанд ороход бэлэн болжээ.

Тус тасаг нь ЭМЯ болон Азийн Хөгжлийн Банкны санхүүжилтээр төсөл хөтөлбөрөөс 43 сая төгрөгний эмнэлгийн тоног төхөөрөмж болох өвчтөний амин үзүүлэлт хянах монитор, амьсгалын аппарат, хүчилтөрөгч өтгөрүүлэгч, утлагын аппарат, дуслын болон тариурын шахуургын аппараттай болсон.

1961 онд тус аймагт халдварт шар өвчиний дэгдэлт их гарч байжээ. Энэ үед дотрын тасгаас тусгаарлан 10 ортойгоор тусгай тасаг болж их эмчээр н.Баасанлхүндэв, сувилагчаар Д.Чойжамц, н.Дашцэрэн, Ш.Должинсүрэн, н.Дашзэвэг нар хоёр гэрт  үйл ажиллагаагаа эхэлсэн түүхтэй. 1975 онд шинээр барьсан хоёр давхар байранд орж, 20 ортойгоор эмчилгээ, үйлчилгээнийхээ ажиллагаагаа өргөжүүлсэн. Халдварт өвчний өвчлөл ихтэй халдварт шар өвчин голомтлон гарч халдварт өвчний голомтонд үзлэг хийх,  балнад өвчин гарч гэдэс тайрах хагалгааг тасагтаа мэс заслын эмч нартай хамтран хийн эмчилдэг байсан аж.  1980-2000 онд хүүхдүүдийн дунд халдварт шар өвчин их гарч сахиургүй хүүхдүүдийг авч хоёр ээлжийн сувилагчтай  ажиллаж байв. 2001-2010 онуудад урьдчилан сэргийлэх вакцин олон нийтэд хэрэглэж зарим халдварт өвчний гаралт багассан боловч байгалийн голомтот, шинэ болон дахин сэргэж буй хачигт халдвар, зоонозын халдварт өвчин боом гэх зэрэг өвчин тухайн он жилүүдэд гарч байсан байна.