Улсын тэргүүний 84 дүгээр сургуулийн сурагчдын үдийн цайнд өгдөг таргийг барилгын материалын хортой саваар зөөдөг тухай эцэг, эхийн төлөөлөл мэдээлжээ. Уг мэдээллийн дагуу нийслэлийн Мэргэжлийн хяналтын газраас шалгалт хийж байна. 

Эх сурвалжийн мэдээллээр иргэн Б тус сургууль дээр “School Police” хийж байгаад цайны газар руу том савтай тараг оруулж байхыг харсан байна. Улмаар зураг авч баримтжуулан сургуулийн удирдлагуудад мэдэгджээ. Энэ дагуу түрээслэгч "Коко дисерт" ХХК болон бусад албаныхныг дуудаж шуурхай хуралдсан байна.

Тэгвэл уг асуудлаар яг одоо мэргэжлийн байцаагчид сургуулийн удирдлагатай уулзаж, шаардлагатай бүх шалгалтыг хийж байна.