"Гурван бүдүүн" хамтлагийн дуучин А.Мөнгөншагай энэ сарын 7-ны өдөр Өмнөговь аймгийн нутаг дэвсгэрт зам тээврийн ослоор амиа алджээ. Осолд орох үедээ гурвуулаа явсан бөгөөд хоёр нь эмнэлэгт хүргэгджээ. Дээрх ослын талаарх дуудлага мэдээлэл Тээврийн цагдаагийн албанд өчигдөр орой бүртгэгдсэн байна. Ослын шалтгаан нь автозам дээр хоёр тэмээ гарч ирсэн бөгөөд энэ үед эргэлт хийж чадалгүй мөргөсөн гэх мэдээлэл бий юм.
А.Мөнгөншагай нь “Гуч хүрсэн бүсгүй”, “Ижийгээ гомдоох учиргүй”, "Бид нэг ангийнхан" зэрэг уран бүтээлүүдээрээ үзэгч, сонсогчдыг байлдан дагуулдаг, Монголын рок, поп хамтлаг, дуучдын томоохон төлөөллүүдийн нэг байсан билээ.
Ум сайн амгалан болох болтугай.
