Ерөнхийлөгч Х.Баттулга УИХ-аар хэлэлцэж байгаа Үндсэн хуулийн нэмэлт, өөрчлөлттэй холбогдуулж парламент, шүүх засаглал болон байгалийн баялагтай холбоотой хэд хэдэн санал дэвшүүлснээ өргөн барьж хэлэлцүүлсэн билээ. Гэвч УИХ-аар Үндсэн хуулийн нэмэлт, өөрчлөлтийн төслийн хүрээнд хоёр дахь хэлэлцүүлгийг дуусгаж, ард нийтийн санал асуулга явуулахаар шийдвэрлэсэн юм. Энэ үеэр Ерөнхийлөгчийн өргөн барьсан саналаас хэд хэдэн заат нь унасан.

Харин Ерөнхийлөгчийн зүгээс УИХ-д өргөн барьсан төслөө буцаан татахаа Тамгын газрын даргаараа дамжуулан мэдэгдэж, санал асуулгын хүрээнд “Ерөнхийлөгчийн засаглалтай байх уу, парламентын засаглалтай байх уу” гэдгийг иргэдээс асуух санал гаргасан юм. Ерөнхийлөгчийн эл саналын хүрээнд нийгэм, парламент тэр дундаа хуульчдын зүгээс өөрсдийн байр суурийг илэрхийлж эхлээд буй. Хэдийгээр УИХ-ын Тамгын газраас Ерөнхийлөгч Х.Баттулгын саналаар ард түмнээс асуух боломжгүй гэдгийг илэрхийлсэн ч Төрийн тэргүүнтэй холбоотой шүүмжлэл түрүүчээсээ хөвөрч байна, хуульчдын зүгээс.

Тэгвэл УИХ-ын Аюулгүй байдал, гадаад бодлогын байнгын хорооны дарга Т.Аюурсайхан энэ асуудлаар “Үндэсний шуудан” сонинд тайлбар өгчээ. Тэрбээр “Ерөнхийлөгчийг бидний саналыг дэмжинэ гэж итгэж байлаа. Гэтэл Үндсэн хуулийн нэмэлт, өөрчлөлтийн төсөлд өргөн мэдүүлсэн саналуудаа буцааж татахаа мэдэгдсэн. Ингэхдээ гишүүдийн тоо, парламентын хугацааг нэм, шүүхтэй холбоотой зохицуулалтыг буцаа гэж шахалт үзүүлсэн. Ингэж шахалт үзүүлсэн шигээ байгалийн баялгийн зохицуулалтад шахалт үзүүлсэнгүй. Зөвхөн стратегийн ач холбогдол бүхий ордыг ашигласан үр өгөөжийн ихэнхийг ард түмний мэдэлд байлгахаар шахалт үзүүлсэн бол энэ асуудал илүү хурдан шийдэгдэх байсан болов уу” гэжээ.

С.Сүлд