Хөдөлмөрийн баатар, Олимпын хүрэл медальт, дэлхийн аварга Х.Цагаанбаатар “Мон-Алтиус Цагаанбаатар” нэртэй жүдогийн академи байгуулсан байна.
Тус академийн багшаар Х.Цагаанбаатар, ОУХМ Ч.Болдбаатар, С.Баяртүвшин нар ажиллах юм байна. Академийн гол зорилго нь 2028 онд Лос-Анжелесын олимпийн их наадамд оролцох тамирчдыг бэлдэх бөгөөд энэ хүрээнд 6-12 насны 200 хүүхэд бүртгэхээр төлөвлөж, зар тарааж эхэлжээ.
