Монгол, БНХАУ-ын хооронд дипломат харилцаа тогтоосны 70 жилийн ойд зориулсан арга хэмжээ үргэлжилж байна.

Уг ойн хүрээнд өчигдөр Хайнаний аялал жуулчлал, соёлыг сурталчлах өдөрлөг өчигдөр боллоо. Өдөрлөгт БОАЖЯ-ны Бодлого зохицуулалтын газрын дарга С.Баясгалан, Зам тээврийн хөгжлийн яамны Агаарын тээврийн бодлогын хэрэгжилтийг зохицуулах хэлтсийн дарга Д.Мягмарсүрэн болон БНХАУ-аас Монгол Улсад суугаа Онц бөгөөд Бүрэн эрхт төлөөлөгч Шин Хаймин болон бусад албаны зочид төлөөлөгч оролцлоо.

Энэ оны хагас жилийн байдлаар 447 мянган жуулчин Хайнан руу зорчсон бөгөөд өнгөрсөн оноос 18.8 хувийн өсжээ. Манай улсын хувьд 3000 гаруй жуулчин аялжээ. Хайнан нь БНХАУ-ын хамгийн урд цэгт байрладаг, эковаторын бүстэй ойр оршдог учраас аялал жуулчлал хөгжихөд таатай орчин бүрджээ. Энд Хятадын дээд зэргийн зочид буудал хамгийн их байрладгаараа онцлог. Цаг агаарын таатай уур амьсгалтай тул ард иргэд нь хамгийн урт насалдаг гэж үздэг. Нутгийн уугуул иргэдийг Лин Мио гэж нэрлэдэг бөгөөд жуулчдад их найрсаг үйлчилдэг байна.

Б.Лхам