Монголын Жүдо бөхийн холбоо өнгөрсөн ДАШТ-ний дараа амжилтаа дүгнэж, холбооны гүйцэтгэх захирал болон шигшээ багийн дасгалжуулагчид ажлаа хүлээлгэн өгөхөө мэдэгдсэн. Тэгвэл өнөөдөр жүдо бөхийн шигшээ багийн ахлах дасгалжуулагч томилогдлоо. Шигшээ багийн ахлах дасгалжуулагчаар Монгол Улсын гавьяат тамирчин, Монгол Улсын гавьяат дасгалжуулагч Халиуны Болдбаатар томилогдлоо.

Тэрбээр 2006-2011 оныг хүртэл шигшээ багийн туслах дасгалжуулагч, БНХАУ-ын эрэгтэй шигшээ багийн туслах дасгалжуулагчийн ажлыг хийж байсан туршлагатай нэгэн билээ.

Х.Болдбаатар өнөөдөр хөдөлмөрийн баатар О.Балжинням аваргаас ажлаа хүлээн авах аж. Мөн шигшээ багийн дасгалжуулагчдын багаа өөрөө бүрдүүлж 2020 оны олимпийн наадамд оролцох юм.

Б.Жаргал